Ki hrá mê dế pro pá tơdrêng troh tơdroăng hriâm ƀă ôh tá tơniăn dêi 950 hok tro, hriâm hngêi trung ai tíu kâ koi ối pơtê tung hơnăm hriâm nếo 2026-2027, mâu vâi o xuân ối kâ ƀă hriâm a hngêi trung. Ối pá 10 hâi ‘nôi troh hâi mot hơnăm hriâm nếo, la kơpong plông hngêi trung, mâu lâm hriâm, tíu koi ối pơtê, tíu kâ xuân dế hlo to mâu gât, ƀrik hmốu, prêi, mâu loăng vâ hếo pro ƀă mâu gât prêi ki tơhneăng dêi hngêi ton.

Hlo ai tơdroăng mê, Ngế pơkuâ hngêi trung hiăng xoăng mâu thái cô lăm ngăn, tăng ngăn tơdroăng mơjiâng pro, hlối pâ thế ngế pơkuâ ‘no liăn ƀă mâu khu pơkuâ mơjiâng pro mơdêk hnoăng cheăng mơ-eăm pêi vâ rĕng kêi. Hngêi trung pơkâ thế Ngế pơkuâ mơjiâng pro thế ai troăng troăng hơlâ pơlâ ăm pêi plâ hâi măng ôh tá pơtê. Pro hdrối cho mâu hngêi ối, mâu hngêi trung hriâm, tíu hriâm tâp, tíu kâ ối ăm hok tro.