Thươ̆ng tươ̆ng Phùng Sĩ Tấn lăm mơnhên ngăn Hngêi trung ai tíu kâ koi ối pơtê Ea Rôk, Dak Lak
Thứ năm, 11:12, 03/09/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Thươ̆ng tươ̆ng Phùng Sĩ Tấn, Kăn xiâm phŏ pơkuâ ngăn lêng Kuăn pơlê Việt Nam, Kăn pơkuâ khu râ kăn pêi cheăng dêi Khu xiâm pơkuâ ngăn lêng séa mơnhên ngăn tơdroăng hbrâ ăm hơnăm hriâm nếo 2026-2027 a Hngêi trung phôh thong ai tíu kâ koi ối pơtê péa râ, râ má môi ƀă râ má péa cheăm Ea Rốk, kong pơlê Dak Lak.
Tơdroăng tơkêa bro Hngêi trung phôh thong ai tíu kâ koi ối pơtê tơdjêp râ má môi ƀă râ má péa cheăm Ea Rốk châ mơ'no liăn lối 136 rơtal liăn tung ƀăng tơnêi vâ chê 6 ha, ƀă tâi tâng ƀăng tơnêi lối 12.700 m2. Tâi tâng kơxô̆ liăn mơjiâng pro hngêi trung xua Khu xiâm pơkuâ ngăn lêng mơhnhôk mâu đông lêng tŏng kum.
Klêi kơ'nâi lối 6 khế mơjiâng pro, tơdroăng tơkêa bro hiăng vâ kêi đeăng mâu tơdroăng ki xiâm, tŭm tơdroăng vâ tơdah 530 ngế hok tro tung hơnăm hriâm nếo 2026-2027 kố. Tơdroăng djâ hngêi trung mot pêi cheăng ôh tá xê to pro tơ'lêi hlâu vâ hok tro kơpong pá puât châ hriâm tâp, rêh ối tung tơdroăng ki lĕm tro tâ, mê ối veăng kum mơdêk ki rơkê plĕng, 'mâi mơnhông cheăng lêng, gâk kring a kơpong pêi cheăng tung la ngiâ dêi Tây Nguyên.
Viết bình luận