VOV.Xơ Đăng - Hâi lơ 17/3, a rôh pêi cheăng ƀă khu ki lăm ngăn dêi Khu xiâm rak liăn ngân ‘na tơdroăng ki ăm mung liăn tŏng gum tiô Pơkâ 78/2002 dêi Chin phuh, kong pơlê Dak Lak pâ thế mơdêk kơlo mung liăn ƀă mâu rơpŏng kơtiê, hok tro, sinh viên; tơdrêng amê hlối po rơdâ mâu ngế ki mung liăn vâ lăm pêi cheăng a kong têa ê.

VOV.Xơ Đăng - Hâi lơ 15/3/2026, vâ chê 2,6 rơtuh ngế kuăn pơlê dêi kong pơlê Gia Lai hiăng lăm tâ phĭu pôk kăn Kuô̆k hô̆i hneăng XVI. Hên kơdrâm kuăn pơlê hiăng tối tơdroăng kal vâ ‘nâi plĕng, hlối pơtroh mâu tơdroăng púi rơhêng vâ loi tơngah tung mâu kăn Kuô̆k hô̆i hneăng ki nếo.

VOV.Xơ Đăng - Hâi leh kân tâ phĭu pôk khu kăn xiâm Kuô̆k hô̆i hneăng 16 ƀă Hô̆i đong hnê ngăn kuăn pơlê rêm râ hneăng hơnăm 2026-2031 dế hiăng vâ chê troh. A kong pơlê Dak Lak, tâi tâng 102 to cheăm, bêng dế thâ pêi pro rĕng kêi hnoăng cheăng hbrâ rơnáu mê, ing mâu kuăn mơngế, liăn ngân, kế tơmeăm troh a túa cheăng, rak vế tơniăn ăm hâi leh kân dêi kuăn pơlê. Tơdrêng ƀă tơdroăng mê, hnoăng cheăng hnê pơtâng tối kố thăm châ pêi pro ó rơdêi, mơhnhôk châ lối 2 rơtuh 420 rơpâu ngế kuăn pơlê ‘nâi klê nhên vâ lăm rah xo mâu ngế ki tơxâng, ai tuăn hiâm lĕm tơdrăng, rơkê khât, tơxâng cho mâu ngế ki teăng mâ vâ pơkâ, vâ pêi pro tiô hiâm mơno pói rơhêng vâ dêi kuăn pơlê.

VOV.Xơ Đăng - Hâk vâ chê troh tâ phĭu rah xo kăn teăng mâ Kuô̆k hô̆i hneăng má XVI ƀă kăn teăng mâ Hô̆i đong kuăn pơlê mâu râ, hneăng hơnăm 2026 – 2031, a kơpong tơkăng kong kong pơlê Gia Lai, khu mô đô̆i gâk ngăn tơkăng kong rơtế khu cheăng kal kí ƀă mâu râ kuăn pơlê pơrá mơhno tơdroăng loi tơngah ƀă hiêm mơno pôu râng hnoăng kân. Mâu kong pơlê hiăng hbrâ inhên vâ tâi tâng mâu ngế ki tâ phĭu kơpong tơkăng kong pơrá châ veăng Hâi xah hêi ro tơnêi têa.

VOV.Xơ Đăng - Hơnăm 2026, tơdroăng ki mơ’no tê kế tơmeăm dêi Việt Nam dế trâm tơdroăng ki nếo, ôh tá xê cho tơdroăng ki vêh mơnhông tơdroăng ki pêi kâ ôh tá rơhéa ton hơnăm dêi lâp plâi tơnêi, mê ối cho vâ vêh mơnhông hdró tơdroăng ki thăm mơdêk nếo rak vế krá tơniăn ton ƀă krá kâk. Tiô mâu ngế ki hriăn cheăng, tơdroăng mơ’no tê kế tơmeăm pơkal athế pơtối mơdêk hnoăng cheăng cho ki xiâm, tơdrêng amê, hnối mơdêk ó rơdêi tơdroăng ki thăm pêi lo kế tơmeăm châ thăm rế hên tiô kơ tơdroăng ki krá kâk, tơhluâ, ƀă krá tơniăn, hlối pêi pro adrêng ƀă mơdêk ki kơnâ dêi kế tơmeăm, ‘na hnoăng cheăng kŏng ngê̆ ƀă ivá cheăng dêi túa pêi cheăng kâ.

VOV.Xơ Đăng - Mâu hâi ki kố, a Dak Lak, cheăng hnê tối rôh tâ phĭu pôk kăn Kuô̆k hô̆i hneăng XVI ƀă kăn teăng mâ Hô̆i đong hnê ngăn kuăn pơlê rêm râ, hơnăm 2026 – 2031 châ tơbleăng tơdâng tơ’mô, tơtro ƀă tơrêm cheăm bêng, tíu pêi cheăng. A mâu tíu tiô khôp ƀă kơpong ki ai hên kơdrâm kuăn pơlê hdroâng kuăn ngo, hnê tối rôh tâ phĭu châ hnê tối ƀă hên troăng, vâ rak tơniăn ăm kuăn pơlê hlê tro ƀă hlê tŭm ‘na hnoăng, tơdroăng cheăng dêi tơná.

VOV.Xơ Đăng - Tung pơla Têt Lo hơnăm nếo Bính Ngọ hdrối kố nah, Kơ koan teăng mâ kơpong peăng Tơdế Tơnêi têa – Rơ’jíu Việt Nam hiăng tơrŭm ƀă Khu xiâm pơkuâ lêng Kuân khu 5, Khu pơkuâ ngăn pơkeăng ƀă khăm pơlât Pơlê kong kân Đà Nẵng rơtế ƀă hên Khu pêi cheăng tơkŭm po hnoăng cheăng “Diâp kơxu kế tơmeăm Têt, lân rơdâ tuăn pâ’’; khăm pơlât, xing xoăng pơkeăng xo xo gum kuăn pơlê ki kơtiê. Tơdroăng kố, mơhno hiâm mơno tơrŭm môi tuăn pơla khu lêng – kuăn pơlê, xuân cho hnoăng cheăng ki kân dêi mơngế ƀok thái pơkeăng tung hnoăng khăm pơlât ivá, châ chăn kuăn pơlê ki pá puât.

VOV.Xơ Đăng - Kơxo hâi lơ 26/2, a tíu pêi cheăng Chin phuh, pôa Phạm Minh Chính, ngế pro xiâm hnê ngăn Chin phuh pơkuâ hôp rôh má 6 dêi Khu hnê mơhno cheăng Xiâm tơnêi têa ‘na luât tŏng gum hngêi ối ƀă tơdroăng tê rôe hngêi

VOV.Xơ Đăng - Rơtế ƀă tơdroăng ki hơniâp ro Rơnó Hơngui nếo, tơnêi têa dế tơmiât troh hâi tâ phĭu pôk khu kăn xiâm Kuô̆k hô̆i hneăng XVI ƀă kăn Hô̆i đong hnê ngăn kuăn pơlê rêm râ hơnăm 2026–2031. Tung tơdroăng “Koh hâk hâi sôk phiu lâp tơnêi têa” hâi kố ngin tối tơdroăng ki hâk tơngăm dêi hâi leh kân dêi tâi tâng kuăn pơlê – tíu ki tơkŭm tơdroăng loi, hnoăng cheăng pôu râng ƀă tơdroăng púi rơhêng vâ mơnhông dêi rêm ngế kuăn pơlê ƀă tơnêi têa.

VOV.Xơ Đăng - Mâu hâi achê Têt Lo hơnăm nếo Bính Ngọ 2026, hên kong pơlê a kơpong Tây Nguyên, kơpong kong ngo tâ tung hiâm mơno phiu ro, hên mâu tơdroăng tŏng gum tung rêh ối ăm rơpŏng ai hnoăng tơnêi têa, rơpŏng kơtiê, kuăn pơlê hdroâng kuăn ngo, mơhno hiâm mơno “Rơnó Hơngui hơtô – Têt tuăn pâ”.