VOV4.Xơ Đăng - Cao Bằng cho kong pơlê ai troăng tơkăng kong xŏn, hơngế, kơpong kố ai hên rơnâk ngo rơ-iô, thông trâu ƀă hên ngế prôk mot lo hmâng vâ. Pakĭng mê, a mâu kơpong kuăn pơlê tơdroăng rêh ối dêi kuăn pơlê ối xơpá, iâ mơngế châ hriâm tơdroăng cheăng... Kố cho mâu tơdroăng ki tơ’lêi tro khu ‘mêi, lu lêa, tí tăng lông vâ tong rup tê rôe mơngế. Tơbleăng Tơdroăng Tơkêa bro kơxô̆ 8, Khu ngăn vâi kơdrâi kong pơlê Cao Bằng hiăng tơmâng tơkŭm, po hên roh hôp, tơpui tơno, hnê tối ‘na tơdroăng hbrâ kơchăng, mơdât tơdroăng tê rôe mơngế, maluâ xiâm pro la xuân hiăng chía châ kơdroh tơdroăng ki tong rup tê rôe kuăn mơngế. Pin rơtế ‘nâi plĕng ‘na túa pêi cheăng dêi môi kong pơlê tơkăng kong peăng Kơnhŏng ki kơdrâm hdroâng kuăn ngo ‘na tơdroăng tơplâ mơdât khu ngế tê rôe kuăn mơngế ing ƀai chê

VOV4.Xơ Đăng - Pơla hdrối kố nah, pôa Phan Đình Trạc, Ngế cheăng tung Khu xiâm kal kí, Kăn tung Khu xiâm pơkuâ hnê ngăn cheăng Đảng, Kăn pơkuâ ngăn tơdroăng cheăng kăn ƀô̆, ngăn ‘na kong pơlê, pơlê kong kân dêi tơnêi têa rơtế ƀă mâu kăn tung Khu pơkuâ hnê ngăn Kuô̆k hô̆i kong pơlê Lâm Đồng hiăng trâm mâ kuăn pơlê a mâu tơring tung kong pơlê kố. Mâu kuăn pơlê hiăng tối, pâ thế hên tơdroăng ki kal, môi tiah tơdroăng ki tơbriât tơnêi ton hơnăm pơla kuăn pơlê ƀă mâu khu pơkuâ nghăn nông - lâm trường, khu mơdró kâ, troăng hơlâ ki tŏng gum kâ liăn khế ăm mâu ngế ki gak ngăn kong.

VOV4.Xơ Đăng - Tơring Tu Mrông, kong pơlê Kon Tum ai lối 58.00 hectar kong, ki xâp dêi kong vâ chê 68%. 4 hơnăm hdrối nah, tơdrêng ƀă rak ngăn khât tơnêi kong ki ai xêh, ing hên tơdroăng ƀă ing hnoăng rak ngăn kơhnâ khât dêi kuăn pơlê, tơring Tu Mrông hiăng pêt nếo châ lối 2.000 hectar kong, ai lối 1.200 rơtuh xiâm loăng u tâi u tá. Pro drêh lĕm ăm tơnêi ngo lĭng, tơdroăng kố tơring mơnhên cho hnoăng cheăng ki xiâm ki kal vâ mơnhông cheăng kâ a  kong, kum cheăng kâ krá tơniăn ăm chât rơpâu ngế kuăn pơlê Rơteăng, ki ai lối 95% pơ’leăng mâ mơngế tung tơring.

VOV4.Xơ Đăng - Kong pơlê Kon Tum nếo pơkâ xoăng lối 1.145 tâ̆n phái, vâ veăng kơjo kum ăm lối 15.300 ngế hok tro ki châ xúa tơdroăng pơkâ dêi Chin phuh tiô Pơkâ tŏng gum ăm mâu hok tro ƀă hngêi trung râ phôh thong a cheăm, thôn kơtiê xơpá.

VOV4.Xơ Đăng - Pơla hdrối mê hía nah, a Hngêi hôp kân Diên Hồng, Hngêi Kuô̆k hô̆i hiăng po Roh hôp êng tiâ, mơnhên tung Roh hôp mơnúa “Kuô̆k hô̆i vâi hdrêng” roh má 2 tung hơnăm 2024. Pôa Trần Thanh Mẫn-Kăn xiâm hnê ngăn Kuô̆k hô̆i ai mâ a roh hôp mơnúa mê. Lối 300 ngế kăn teăng mâ Kuô̆k hô̆i vâi hdrêng lơ ing 63 kong pơlê, pơlê kong kơdrâm veăng roh hôp mê, hiăng mơhno tối hiâm mơno pói rơhêng vâ dêi mâu vâi hdrêng ai 2 tơdroăng “Hbrâ, mơdât tơpâm tơxiăn a hngêi trung” ƀă “Hbrâ mơdât ki ‘mêi dêi hât, cho trếo ki ‘mêi, malối tung hngêi trung”.

VOV4.Xơ Đăng - Pơla hdrối kố nah, VOV Tây Nguyên hiăng chêh tối hên tơdroăng ki pá tơvâ tơvân, ôh tá châ, tro lŭp thối xêh ƀă hrĭng rơpŏng kuăn pơlê a cheăm Trà Vinh, kong pơlê Quảng Nam ki rêh ối tung cheăm Đăk Nên, kong pơlê Kon Tum. Tơdroăng ki kố hiăng ton chât hơnăm kố pro mâu kăn ƀă tá 2 kong pơlê Kon Tum ƀă Quảng Nam  trâm pá tung tơdroăng rak ngăn. La tơdroăng ki kân tâ ai 235 rơpŏng, vâ chê 1.100 ngế kuăn pơlê hiăng ôh tá châ xúa ki pơxúa mê, xua hên luât tơnêi têa pơkâ ‘no liăn mơjiâng tơmeăm khoăng ăm kơpong ki xơpá hiăng ôh tá lĭng tơbleăng pêi pro.

VOV4.Xơ Đăng - Mâu hơnăm hdrối nah, kơdroh kơtiê krá ton cho môi tung mâu hnoăng cheăng ki xiâm dêi pơlê kong kơdrâm Plei Ku, kong pơlê Gia Lai.

VOV4.Xơ Đăng - Kơxê hâi lơ 1/10, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ hôp tiah hmâ Chin phuh ƀă Măt trâ̆n Tơnêi têa Việt Nam, mâu kăn ƀô̆, kơ koan troh hnê pêi tơdroăng kơdroh kơklêa xăm kơtiê, tah hngêi pơtân, hngêi xi kơchoh ăm mâu rơpŏng kuăn ngo kơtiê, vâ chê kơtiê.

VOV4.Xơ Đăng - Hâi lơ 1/10, Khu lăm pêi cheăng dêi Vi ƀan Kuăn ngo xua pôa Y Vinh Tơr, Ngế ki hbrâ rơnáu tung Tíu xiâm Đảng, Kăn phŏ pơkuâ Vi ƀan Kuăn ngo pro ngế ki xiâm pơkuâ djâ mâu kăn hiăng lăm ngăn, tăng ‘nâi plĕng mâu tơdroăng, tối tơdroăng pêi pro dêi Tơdroăng pơkâ tơnêi têa mơnhông cheăng kâ-rêh ối dêi kơpong kuăn ngo ƀă kong ngo a kong pơlê Kon Tum.

VOV4.Xơ Đăng - Kơxo lơ 30/9, a Hà Nội, Ƀơrô cheăng Kăn xiâm hnê ngăn tơnêi têa tơrŭm cheăng ƀă Khu xiâm kŏng an ƀă mâu kơ koan ki tơdjâk Hôp tơbleăng pơkâ ăm mâu ngế ki kroăng phâk châ lo hdrối tâ hâi khế pơkâ hơnăm 2024 dêi kăn xiâm hnê ngăn tơnêi têa.