Đô̆i ki lăm tăng, tơkŭm kơxêng kiâ mố đô̆i ối tung Khu xiâm pơkuâ ngăn lêng kong pơlê Khánh Hòa tơrŭm ƀă mâu khu cheăng ƀă khu kăn pơkuâ cheăm tơkŭm tí tăng a đông dêi kăch măng CK35, thôn Từ Thiện, cheăm Phước Dinh. Ing mê, khu ki ai tơdjâk troh châ hlo, tơkŭm 5 to kơxêng kiâ mô đô̆i ki tá hâi 'nâi inâi a kơpong CK35; tơdrêng amê, hlối tơkŭm chiâ tơ'nôm 4 to tơnâp ki ai tơdroăng chêh tối ăm ‘nâi a mâu tíu ki ê tung cheăm.

Mâu túa séa ngăn dêi 5 to kơxêng hiăng châ xo vâ gum ăm tơdroăng ki séa mơnhên ngăn ADN. Klêi kơ'nâi tơkŭm, mâu kơxêng châ djâ troh a Tíu koh tơbâ mô đô̆i hlâ tung rôh tơplâ xâ a cheăm Phước Dinh; cheăm ƀă mâu khu râ pơkuâ cheăng pơtối pêi pro mâu tơdroăng tiô pơkâ, hlối po rơdâ tí tăng a mâu tíu ki ai tơdroăng chêh tối 'na tíu ki 'mế mô đô̆i hlâ tung tơplâ xâ.