Pêi pro tiô tơdroăng “mơhnhôk pêi cheăng 500 hâi măng mơdêk lăm tăng, tơkŭm ƀă vâ ‘nâi inâi kơxêng ki mê”, cheăm Đăk Tờ Kan, kong pơlê Quảng Ngãi hiăng tơkŭm lăm tăng a 6 tíu nhôm ai kơxêng ‘mế mâu ki hlâ nah ƀă châ ‘nâi, chiâ xo cho kơxêng A Ngoã ngế hlâ ai hnoăng, A Ngoã pơlê a Tê Xô Trong, cheăm Đăk Tờ Kan, tơring Tu Mrông, kong pơlê Kon Tum ton nah (nôkố thôn Têa Kân, cheăm Đăk Tờ Kan, kong pơlê Quảng Ngãi) cho đội viên du kích.

Tung pơla pêi hnoăng cheăng, pôa A Ngoã tro khu Fulro pĕng; hlâ hâi lơ 30/10/1980, hiăng châ Tơnêi têa mơnhên cho mơngế ki hlâ ai hnoăng. Vi ƀan cheăm Đăk Tờ Kan pâ thế mâu kơ koan khu râ pơkuâ cheăng tơrŭm ƀă cheăm Tu Mrông tơkŭm djâ kơxêng A Ngoã ‘mé a ilâng kiâ mơngế hlâ ai hnoăng cheăm Tu Mrông tiô púi vâ dêi nhŏng o xiâm.