Kơxop hlá mơ-éa Luât ai 13 chương, kơdroh 03 Chương tâng vâ pơchông ƀă tơdroăng pơkâ dêi Luât Tơnêi hơnăm 2024, mâu tơdroăng pơkâ 'na tơdroăng ki kal a mâu chương kố châ tơkŭm a mâu chương ki ê. 'Na kơxô̆ tơdroăng, kơxop hlá mơ-éa Luât ai 115 tơdroăng (Luât Tơnêi hơnăm 2024 ai 260 tơdroăng).

A rôh hôp, mâu khu xiâm, kơvâ cheăng tơkŭm tơpui tơno 'na mâu tơdroăng ki ối tơpui phá tơ-ê dêi rơpó môi tiah: hnoăng pơkuâ pêi pro tơdroăng pơkuâ tơnêi têa 'na tơnêi tơníu; 'Na kŏng chứng, chứng thực tơdroăng tơkêa, mơ-éa pêi pro mâu hnoăng dêi mơngế xúa tơnêi; 'Na xo tơvêh tơnêi xua tơdroăng mơnhông cheăng kâ rêh ối pơlê pơla xua pơxúa tơnêi têa pơlê pơla.

Mơgêi rôh hôp, pôa Hồ Quốc Dũng, Ngế pro xiâm phŏ hnê ngăn tơnêi têa tối nhên, kố cho tơdroăng tơkêa bro Luât ai tơdjâk trâu hơngế, tâi tâng troh mâu tơdroăng dêi tơdroăng rêh ối pơlê pơla. Ngế pro xiâm phŏ hnê ngăn pơcháu ăm Khu xiâm pơkuâ 'na pêi chiâk deăng ƀă Kong prâi pơkuâ tơrŭm ƀă mâu kơ koan ki tơdjâk troh pơtối séa ngăn, hriăn plĕng nhên, môi tuăn troăng hơlâ tung tơdroăng tơkêa bro Luât, rak tơniăn tơdroăng ki chiâng pêi pro, châ tơƀrê, kơdroh iâ má môi mâu tơdroăng ki tơvâ tơvân tung pơhlêh klêi kơ'nâi tơbleăng ăm pêi pro.