Dak Lak mơdêk tơƀrê tơdroăng tơpui kâ ƀă kong têa ê, gâk kring hnoăng pơkuâ tíu tơkăng kong
Thứ năm, 10:26, 17/09/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Kơxo lơ 16/9, Khu ngăn 'na mơhno túa lĕm tro, Tơ'noăng ivá ƀă Ôm hyô Dak Lak tơrŭm ƀă Mố đô̆i gâk tơkăng kong dêi kong pơlê, Vi ƀan mâu cheăm Ia Rvê ƀă Ia Lốp tơkŭm po Hneăng hôp 'na tơdroăng tối tơbleăng tơpui kâ, tơbleăng hnoăng pơkuâ tơkăng kong hơnăm 2026.
A hneăng hôp, kăn teăng mâ châ hnê tối 3 khu tơdroăng ki xiâm: Tơdroăng pơkuâ, pơkâ troăng tơpui kâ; kring vế hnoăng pơkuâ tơnêi tơníu, gâk kring tíu tơkăng kong tơnêi têa; rơtế mâu tơdroăng ki rơkê plĕng 'na tơpui kâ ƀă gâk kring măng.
Tơdrêng amê hnê hriâm 'na luât 'na hnoăng pơkuâ tơnêi tơníu, gâk kring tíu tơkăng kong; mơdêk hnoăng cheăng, pôu râng dêi khu râ kăn pơkuâ hnê ngăn cheăng Đảng, khu râ kăn pơkuâ, mâu khu tơrŭm cheăng, krâ pơlê, ngế pơkuâ pơlê, ngế ki kuăn pơlê loi tơngah ƀă kuăn pơlê tung veăng gâk kring tíu tơkăng kong.
Viết bình luận