Khu tăng, tơkŭm kơxêng kiâ mố đô̆i mê cho kăn ƀô̆ Khu pơkuâ ngăn lêng cheăm Đặng Thùy Trâm, Đăi đô̆i Công binh 1 ối tung Khu pơkuâ ngăn lêng kong pơlê Quảng Ngãi rơtế ƀă khu lêng kong pơlê ƀă mâu ngế ki châ hlo pơtối po rơdâ kơpong tăng tơkŭm kơxêng kiâ mố đô̆i a tôh Đồng Răm, thôn Đồng Răm.

Khu tăng, tơkŭm kơxêng kiâ mố đô̆i mê po rơdâ ƀă châ hlo 3 to kơxêng kiâ mố đô̆i rơtế ƀă mâu tơmeăm môi tiah kơtep, kơdjiăn ếo ƀă kơxái kât ếo ki hiăng pok. Tŭm 3 kơxêng kiâ ƀă kế tơmeăm châ Ƀơrô ngăn 'na mơhno túa lĕm tro dêi cheăm Đặng Thùy Trâm rak ngăn, rak vế. Tiah mê, troh nôkố khu ki tăng hiăng tăng hlo, tơkŭm châ 6 kơxêng kiâ mố đô̆i a kơpong Hngêi pơkeăng Đức Phổ, ối tối cho Hngêi pơkeăng Ƀok Mười ƀă dế pơtối po rơdâ tăng hlo kơxêng kiâ mố đô̆i ki u ối.