Rôh hôp kố tiô tối hdrối kô tơkŭm po chiâng 2 rôh. Rôh má 1: cho a kơxê hâi lơ 1 ƀă 2/10. Rôh má 2: cho kơxê hâi lơ 10/10. A Rôh hôp kố, Vi ƀan pơkuâ Kuô̆k hô̆i ăm rơkong veăng tơpui tối 'na mâu tơdroăng tơkêa bro: Luât Tơnêi tơníu ('mâi hơ'lêh); Luât Hngêi ối ('mâi hơ'lêh); Luât Tê mơdró hngêi trăng, tơnêi tơníu ('mâi hơ'lêh); Luât 'na hlá mơ-éa pơkâ luât; Luât Liăn ngân tơnêi têa (tơkŭm).

'Na tơdroăng séa ngăn, Vi ƀan pơkuâ Kuô̆k hô̆i ăm rơkong veăng tơpui tối 'na tơdroăng Tơbleăng dêi Chin phuh 'na tơdroăng tơbleăng pêi pro Pơkâ kơxô̆ 206/2025 dêi Kuô̆k hô̆i 'na troăng hơlâ ki phá tơ-ê pơkâ tơleăng tŏng gum mâu tơdroăng xơpá, tơvâ tơvân xua pơkâ dêi luât; tơbleăng dêi Chin phuh 'na tơdroăng châ tơƀrê pêi pro Pơkâ mơnhông mơdêk cheăng kâ-rêh ối hơnăm 2026, tiô tối hdrối Pơkâ mơnhông mơdêk cheăng kâ-rêh ối hơnăm 2027; ƀă veăng tơpui tối 'na kơxop hlá mơ-éa tơbleăng tâi tâng rơkong tơpui tối, pâ thế dêi kuăn pơlê ƀă Kuăn pơlê pơtroh ăm Hneăng hôp má 2, Kuô̆k hô̆i hneăng má XVI.