-Baoh hiêm xah hô̆i ki mơhnŏng vâ roê xêh cho troăng hơlâ ƀaoh hiêm dêi Đảng ƀă Tơnêi têa, xua hnoăng pơxúa dêi ngế pêi cheăng ƀă Kuăn pơlê, châ Tơnêi têa rak vế, xua kơ koan Ƀaoh hiêm xah hô̆i pêi pro;

-Mâu ngế ki veăng roê: Kuăn pơlê Việt Nam sap ing hiăng châ 15 hơnăm tơngi klêng ôh tá xê mâu ngế ki veăng rôe ƀaoh hiêm pơlê pơla ki pơklât thế ƀă ôh tá xê mâu ngế ki dế châ kâ liăn pơtê cheăng xua hơnăm hiăng krâ, liăn gum ƀaoh hiêm pơlê pơla, liăn gum rêm khế;

-Mơngế pêi cheăng tiô tơkêa pêi cheăng ôh tá mơnhên hâi khế, tơkêa pêi cheăng mơnhên hâi khế ing tŭm 1 khế tơngi klêng ƀă viên chưk dế pơtê pơtân pêi pro tơkêa pêi cheăng, tơkêa pêi cheăng.

-Kơlo nâp rêm khế ƀă 22% kơlo liăn pêi cheăng pro xiâm kơlo nâp. Tung mê, mơngế veăng nâp ƀaoh hiêm xah hô̆i ki mơhnŏng vâ xêh châ rah xo kơlo liăn pêi cheăng pro xiâm kơlo nâp môi tiah kơ'nâi kố: kơlo ki iâ gá ƀă kơlo pơkâ rơpŏng kơtiê kơpong thôn pơlê tiô pơkâ; kơlo ki hên má môi ƀă 20 hdroh kơlo liăn khế pơkâ.

-Túa nâp: rêm khế, 3 khế, 6 khế, 12 khế; nâp 1 xôh ăm hên hơnăm kơ'nâi (ki hên 5 hơnăm); lơ nâp 1 xôh ăm hâi khế ki u ối (ki hên 60 khế) vâ tŭm tơdroăng vâ châ kâ liăn khế pơtê cheăng.

-Ngế ki roê ƀaoh hiêm xah hô̆i ki mơhnŏng vâ xêh châ tơnêi têa kơjo gum liăn nâp tiô kơlo (%) a kơlo nâp ƀaoh hiêm xah hô̆i rêm khế ƀă kơlo pơkâ rơpŏng kơtiê kơpong thôn pơlê (pơla kơjo gum ôh tá hluâ 10 hơnăm (120 khế). Kơlo kơjo gum ki nhên ăm rêm ngế môi tiah kơ'nâi kố:

-Gum 50% ƀă mâu ngế ối tung rơpŏng kơtiê; ngế ki dế rêh ối a cheăm chuăn rơlố, kơpong pêi cheăng.

-Gum 40% ƀă mâu ngế ki ối tung rơpŏng vâ chê kơtiê.

-Gum 30% ƀă mâu ngế cho kuăn pơlê hdrông kuăn ngo.

-Gum 20% ƀă mâu ngế ối tung khu châ tŏng gum ki ê.

Ƀă mâu ngế ki veăng kring vế tơniăn, tơdroăng rêh ối a pơlê cheăm tiô pơkâ a tíu a a troăng 2 troăng 4 Pơkâ kơxô̆ 04/2024/NQ-HĐND hâi lơ 20/6/2024 dêi Hô̆i đong hnê ngăn kong pơlê Dak Lak: tŏng kum 20% kơlo nâp ƀaoh hiêm xah hô̆i rêm khế tiô pơkâ rơpŏng kơtiê dêi kơpong thôn pơlê.

Mơngế ki nâp liăn ƀaoh hiêm xah hô̆i drêng ai tŭm mâu tơdroăng tiô pơkâ, châ xúa hnoăng klêi kơ'nâi:

-Má môi, châ kâ liăn tŏng kum mơhum kuăn ngá tiô pơkâ.

-Má péa, liăn khế pơtê cheăng xua hơnăm hiăng krâ: châ kâ liăn khế pơtê cheăng drêng tŭm tơdroăng 'na hơnăm pơtê cheăng ƀă hâi khế nâp ƀaoh hiêm xah hô̆i. Liăn khế pơtê cheăng xua hơnăm hiăng krâ châ 'mâi hơ'lêh tiô Kơlo kơxô̆ yă rôe xúa ƀă mơdêk cheăng kâ.

-Má pái, ƀaoh hiêm khăm pơlât: ngế ki veăng rôe ƀaoh hiêm xah hô̆i  drêng châ kâ liăn pơtê cheăng xua hơnăm hiăng krâ kô châ kơ koan ƀaoh hiêm xah hô̆i ăm theh ƀaoh hiêm khăm pơlât tê kơtê.

-Má pŭn, luât pơkâ tŏng kum mơngế hlâ: rơpŏng hngêi châ kâ liăn tŏng kum 'mế kiâ ƀă tŏng kum môi hdroh tiô pơkâ drêng ngế ki veăng hlâ.

-Má pơtăm, ƀaoh hiêm xah hô̆i môi hdroh: châ xúa ƀaoh hiêm xah hô̆i môi hdroh tiô pơkâ.

-Má tơdrốu, châ kâ liăn tŏng kum rêm khế: drêng tŭm hơnăm pơtê cheăng la ôh tá tŭm 15 hơnăm nâp liăn ƀaoh hiêm ƀă tá hâi tŭm tơdroăng vâ châ - kâ liăn pơtê cheăng xua hơnăm hiăng krâ pơlê pơla, ôh tá nâp liăn ƀaoh hiêm môi hdroh la ai pơkâ thế.

-Veăng rôe ƀaoh hiêm xah hô̆i vâ châ kâ liăn pơtê cheăng xua hơnăm hiăng krâ rêm khế ƀă rak ngăn ivá drêng hiăng krâ.

-Tâng kal vâ 'nâi tơ'nôm, thế tơpui tơno tơdrêng ƀă Ƀaoh hiêm pơlê pơla kong pơlê Dak Lak lơ Ƀaoh hiêm xah hô̆i a tíu pêi cheăng, mâu khu tơrŭm cheăng ki châ pơcháu hnoăng xo Ƀaoh hiêm xah hô̆i, Ƀaoh hiêm khăm pơlât tung kong pơlê vâ châ hnê tối, hnê mơhno ƀă tŏng gum

-Kơxô̆ phôn tiâ mơnhên, tŏng kum dêi Ƀaoh hiêm xah hô̆i kong pơlê Dak Lak: 0262 222 9799.

Kơxô̆ phôn dêi Baoh hiêm xah hô̆i kong pơlê ƀă Baoh hiêm xah hô̆i mâu cheăm

Kơxô̆ phôn êng, tiâ mơnhên, tŏng gum dêi Baoh hiêm xah hô̆i kong pơlê Dak Lak:  0262 222 9799

01.Ƀaoh hiêm xah hô̆i a cheăm Lắk: 0262.3586214

02.Ƀaoh hiêm xah hô̆i a cheăm Krông Pač: 0262.3528049

03. Ƀaoh hiêm xah hô̆i a cheăm Krông Bông: 0262.3732259

04. Ƀaoh hiêm xah hô̆i a cheăm Cư M'gar: 0262.3834198

05. Ƀaoh hiêm xah hô̆i cơ sở Buôn Đôn: 0262.3789478

06. Ƀaoh hiêm xah hô̆i a cheăm Ea Súp: 0262.3688174

07. Ƀaoh hiêm xah hô̆i a cheăm Krông Năng: 0262.3675479

08. Ƀaoh hiêm xah hô̆i a cheăm Ea H'Leo: 0262.3777309

09. Ƀaoh hiêm xah hô̆i a cheăm Čư̆ Kuiñ: 0262.3633939

10. Ƀaoh hiêm xah hô̆i a cheăm Ea Kar: 0262.3626703

11. Ƀaoh hiêm xah hô̆i a cheăm M’Drắk: 0262.3731396

12. Ƀaoh hiêm xah hô̆i a cheăm Tuy Hòa: 0257.3843936

13. Ƀaoh hiêm xah hô̆i a cheăm Sông Cầu: 0257.3692125

14. Ƀaoh hiêm xah hô̆i a cheăm Tuy An: 0257.3778789

15. Ƀaoh hiêm xah hô̆i a cheăm Phú Hòa: 0257.3881179

16. Ƀaoh hiêm xah hô̆i a cheăm Sông Hinh: 0257.3858259

17. Ƀaoh hiêm xah hô̆i a cheăm Sơn Hòa: 0257.3861630