Hdrối mê, pôa Siu Bích, kot mâ hơnăm 1952, ối a pơlê Bi, hiăng tối ăm Khu pơkuâ mô đô̆i cheăm Ia Dom ƀă Đô̆i K52 troh lăm ngăn, drêng pôa châ hlo mâu tơnâp kiâ ki mơni cho tơnâp kiâ mố đô̆i. Klêi kơ'nâi lăm ngăn, khu ki ai tơdjâk troh mơnhên tơdroăng ki ai khât ƀă tơkŭm chiâ rôu, tơkŭm kơxêng kiâ mố đô̆i. Klêi mê, Đô̆i K52 hiăng tơkŭm châ 2 to kơxêng kiâ mố đô̆i tiô kế  tơmeăm.

Peá to kơxêng kiâ mố đô̆i châ tăng hlo a péa tíu kơtăn dêi rơpó dâng 12 met tung kơpong pơlê Bi, cheăm Ia Dom. Nôkố inâi tá 2 to kơxêng kiâ mố đô̆i tá hâi ‘nâi cho ngế kơbố. Đô̆i K52 pơtối tơbleăng ăm râ ki ai hnoăng vâ séa ngăn, hnê mơhno mâu tơdroăng pêi pro ki pơtối.