Hâi lơ 5/10, Đô̆i tơkŭm kơxêng kiâ mố đô̆i hlâ ai hnoăng khê̆n cho (Đô̆i K74) ối tung Khu pơkuâ ngăn lêng Pơlê kong kân Hồ Chí Minh pơtối po rơdâ tíu tăng tơkŭm a Kơpong B, Công viên Lê Thị Riêng. Tung hâi, kong ai kong mêi, tơdjâk troh tơdroăng chiâ ƀă pơto tơnêi. Klêi kơ'nâi mê, Đô̆i K74 hiăng châ hlo, tơkŭm tơ'nôm 13 to kơxêng kiâ mố đô̆i, tung mê ai môi to kơxêng kiâ mố đô̆i ai kế tơmeăm. Riân sap ing hâi lơ 23/6 troh nôkố, khu cheăng dêi Đô̆i tơkŭm kơxêng kiâ mố đô̆i hiăng châ hlo, tơkŭm châ 731 to kơxêng kiâ mố đô̆i a Công viên Lê Thị Riêng, bêng Hòa Hưng, Pơlê kong kân Hồ Chí Minh.

Kơpong kố hdrối nah ối tung Tíu 'măn poăng Đô Thành, ối khĕn cho Tíu 'măn poăng Chí Hòa-Chợ Quán. Tung tâi tâng kơxô̆ kơxêng ki châ hlo, 698 to kơxêng châ hlo krê; 33 to kơxêng châ hlo a 8 tíu 'măn tơkŭm, ai 2 tíu a Kơpong A ƀă 6 tíu a Kơpong B.