Tiah mê, tung hneăng má 2 “Tơdroăng cheăng pêi thâ 500 hâi măng” khu ki ai tơdjâk troh kong pơlê Lâm Đồng kô tơkŭm tăng rôu, tơkŭm kơxêng kiâ mố đô̆i a 3 to cheăm dêi kong pơlê, mê cho: Dak Sắk, Hải Ninh ƀă Quảng Trực. Rơtế amê cho tơdroăng ki khŏm pêi klêi hnoăng cheăng tăng rôu, tơkŭm châ iâ hlái 124 to kơxêng kiâ mố đô̆i tung hneăng má 2 dêi “Rôh pêi cheăng thâ 500 hâi măng”, khu lêng kong pơlê Lâm Đồng kô tơbleăng pêi pro tơdroăng tăng rôu tơkŭm kơxêng kiâ mố đô̆i a mâu cheăm ối tung pơlê kong kơdrâm Phan Thiết, kong pơlê Bình Thuận ton.

Pôa Đinh Văn Tuấn, Phŏ kăn hnê ngăn Vi ƀan kong pơlê, Ngế xiâm hnê mơhno tăng rôu, tơkŭm ƀă mơnhên inâi kơxêng kiâ mố đô̆i kong pơlê Lâm Đồng, ăm ‘nâi, Khu hnê mơhno hiăng pơcháu hnoăng ăm Khu pơkuâ ngăn lêng kong pơlê tơrŭm ƀă mâu khu râ, kơvâ cheăng, kong pơlê ai tơdjâk troh rĕng séa ngăn, chêh pro túa pơkâ tăng rôu, tơkŭm kơxêng kiâ mố đô̆i ƀă tơdroăng pêi pro “6 nhên”; hlối ‘nâi nhên mâu tơdroăng vâ gum ăm cheăng tăng rôu.