Pêi pro ‘’Cheăng pêi thâ 500 hâi măng ti tăng, chiâ rôu xo 11 kơxêng kiâ mô đô̆i. Tung mê, Đô̆i ki kố ti tăng chiâ rôu xo ối tung Kơ koan xiâm kal kí, Kuân đoân 34 ti tăng chiâ rôu xo châ 2 kơxêng kiâ mô đô̆i a cheăm Dục Nông; Đô̆i ti tăng chiâ rôu xo Sư đoân 10, Kuân đoân 34 ti tăng chiâ rôu xo 2 kơxêng kiâ mô đô̆i a cheăm Đăk Pé; Khu pơkuâ Mô đô̆i cheăm Đăk Pék ti tăng chiâ rôu xo 7 kơxêng kiâ mô đô̆i tung cheăm.

Tiô Khu hnê mơhno ‘na ti tăng chiâ rôu xo, tơkŭm ƀă mơnhên inâi kơxêng kiâ mô đô̆i kong pơlê Quảng Ngãi, riân troh nôkố, lâp kong pơlê hiăng ti tăng, chiâ rôu xo châ 67 kơxêng kiâ mô đô̆i. Nôkố, mâu khu cheăng dế pơtối séa ngăn mâu kơpong ki nhôm, pơchông tơdroăng mơngế ki châ hlo ƀă tơdroăng châ tơƀrê séa ngăn, chiâ rôu xo khât; tơdrêng amê tơrŭm krá ƀă khu râ kăn pơkuâ vâ po rơdâ tơdroăng, mơnhên tơtro tíu ki tâp kiâ mô đô̆i.