Mâu ƀok thái pơkeăng châ pơcháu lăm pêi cheăng a 6 to hngêi pơkeăng ƀă 29 Hngêi pơkeăng kŭn, tung mê, ai hên mâu tíu pêi cheăng a hngêi pơkeăng cheăm, kơpong hngế hngo. Tung kơxô̆ 218 ngế ƀok thái pơkeăng châ rah xo mê, ƀok thái pơkeăng y khoa mê ki hên tâ, klêi mê troh mâu ƀok thái pơkeăng Y học cổ truyền, ƀok thái pơkeăng y học hbrâ rơnáu  ƀă mâu ƀok thái pơkeăng pơlât ‘na Hnĕng keăng ngiâ, 46 ngế ƀok thái pơkeăng hiăng châ pơcháu lăm pêi cheăng a hngêi pơkeăng kân râ kong pơlê, 144 ngế ƀok thái pơkeăng châ rah xo lăm pêi hnoăng cheăng a 18 to hngêi pơkeăng râ kơpong, tung mê ai mâu ki ‘na lăm pêi cheăng a mâu cheăm hơngế, hơngo.

Tơdroăng rah xo tơ’nôm mâu ƀok thái pơkeăng rôh kố veăng ‘no hnoăng tơleăng mơnhên tơdroăng ki ôh tá ai tŭm mơngế ngăn pơkeăng pơlât, mơdêk ivá cheăng ƀă ki tơƀrê tung khăm pơlât a mâu hngêi pơkeăng cheăm. Ing mê, kơdroh hngăm ngo ăm mâu ƀok thái pơkeăng cheăng pơlât nôkố, kơdroh tơdroăng kuăn pơlê lăm pơlât râ kơpêng, pro hlâu vâ kuăn pơlê châ xúa pơkeăng pơlât, xúa kơmăi  kơmok tung khăm pơlât rak vế ivá mo lĕm a cheăm bêng tơná.