Riân sap hâi lơ 15/10 troh tâi hâi lơ 10/11/2026, rôh má 2 tí tăng, chiâ xo a Kong viên Lê Thị Riêng, mâu lêng mố đô̆i hiăng châ hlo, chiâ xo châ 279 kơxêng kiâ mố đô̆i, tung mê, ai 64 khu khu kơxêng tá tơmeăm. Hdrối mê, tung rôh má 1, mâu khu lêng hiăng lăm tăng, chiâ xo châ 731 kơxêng kiâ mố đô̆i ƀă khu tơrŭm po leh tơbâ hnoăng, mé tiô pơkâ.

Tiah mê, riân sap hâi lơ 23/6 troh tâi hâi lơ 10/11/2026, tâi tâng kơxêng kiâ mố đô̆i hiăng châ hlo, chiâ xo a Kong viên Lê Thị Riêng ai 1.010 khu, tung mê ai 371 khu kơxêng hlối ai kế tơmeăm. Mê ai 977 khu kơxêng kiâ mố đô̆i châ hlo, chiâ xo krê ƀă 33 khu kơxêng a 8 tíu tâp pú hên. Tơdroăng lăm tăng, chiâ cho kơxêng kiâ dế pơtối châ mâu khu lăm tăng thâ pêi, bă tơdroăng pêi khât, mơhno tuăn pâ ƀă mâu ngế ki hlâ ai hnoăng.