A rôh tơpui tơno, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa ƀă kơdrâi pôa hiăng tối hên tơdroăng trâm mâ tơpui tơno tung rôh lăm pôu xuân môi tiah tơdroăng ki bô bối dêi rơpó ‘na túa rêh ối ƀă túa lĕm tro dêi péa tơnêi têa. Pôa Tô Lâm, Kăn xiâm pơkuâ hnê ngăn cheăng Đảng, kăn xiâm hnê ngăn tơnêi têa tối nhên péa tơnêi têa ai hên rôh tơ’lêi hlâu thăm mơdêk tơrŭm tung mâu kơvâ cheăng hnê hriâm, hnê mâu ngế pêi cheăng rơkê plĕng, khăm pơlât, túa lĕm tro, ôm hyô, pêi chiâk deăng tung la ngiâ.

Rôh kố, pôa Tô Lâm, Kăn xiâm pơkuâ hnê ngăn cheăng Đảng, kăn xiâm hnê ngăn tơnêi têa teăng mâ Đảng, Tơnêi têa ƀă kuăn pơlê Việt Nam krếo thế pơtáu Naruhito ƀă kơdrâi pôa rĕng lăm pôu Việt Nam a rôh tơbâ 55 hơnăm mơjiâng tơrŭm cheăng tơpui kâ Việt Nam – Nhuk a hơnăm 2028; tối rơdêi rôh lăm pôu kố mê kô châ tơdroăng ki kal châ kuăn pơlê péa tơnêi tơkôm.