Kăn xiâm hnê ngăn Kuô̆k hô̆i: Rêm kơvâ cheăng bu ai môi tíu cheăng xiâm pơkuâ ƀă chiu pôu râng hnoăng troh tui lui.
Thứ năm, 10:29, 12/11/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Kơxê măng lơ 11/11, xua tơdroăng pơkuâ po dêi pôa Trần Thanh Mẫn, Kăn xiâm hnê ngăn Kuô̆k hô̆i, Vi ƀan pơkuâ Kuô̆k hô̆i hiăng pơtối Hôp rôh hôp má 8 ăm rơkong veăng tơpui tối ‘na tơdroăng pơkâ ‘mêng rơnêu, ‘mot tơ’nôm mâu tơdroăng dêi tơdroăng pơkâ ‘na ki ai tơdjâk troh, hnoăng cheăng, hnoăng pơkuâ ƀă mâu khu tơrŭm dêi Hô̆i đong Hdrông kuăn ngo, mâu Vi ƀan dêi Kuô̆k hô̆i; ăm rơkong tơpui tối leăng, tơmâng xo, ‘mâi rơnêu ƀă kơxop hlá mơéa Luât pêi pro tơniăn krê a kong pơlê ‘mâi hơ’lêh.
Kăn xiâm hnê ngăn Kuô̆k hô̆i mơhno nhên túa tơmiât ki tơdrăng cho: hnoăng cheăng cho xiâm, tíu pêi cheăng ƀă ƀiêbn chê̆ cho tơdroăng trâm. Pôi tá xo tơdroăng ki rơhêng vâ ƀiên chê̆ lơ cheăng kal ‘mot tơ’nôm mâu ngế cheăng vâ pro tíu ki ‘mâi rơnêu, pơcháu hnoăng cheăng pơla mâu kơ koan. Rêm kơvâ cheăng bu ai môi tíu pêi cheăng pơkuâ ƀă chiu pôu râng hnoăng troh tui lui, pôi tá lôi xo xo hnoăng cheăng.
A rôh hôp kố, Vi ƀan pơkuâ Kuô̆k hô̆i hiăng môi tuăn tơbleăng Pơkâ kơxô̆ 71 ‘na kơvâ cheăng tơdjâk troh, hnoăng cheăng, hnoăng pơkuâ ƀă mâu khu tơrŭm dêi Hô̆i đong Hdrông kuăn ngo, mâu Vi ƀan dêi Kuô̆k hô̆i.
Viết bình luận