A rôh lêh, teăng mâ Kăn xiâm hnê ngăn Đảng, Tơnêi têa, pôa Lê Minh Hưng Ngế pro xiâm hnê ngăn tơnêi têa hiăng diâp Mê đai Pêi cheăng ối Má môi ăm Đại học Kinh tế Quốc dân xua hiăng ai hnoăng kân tung tơdroăng tí tăng ‘nâi plĕng khoa hok, pơ’lêh cheăng ƀă kong ngê̆ hlối hnê mơngế pêi cheăng rơkê, vâ rế ai hên ngế pêi cheăng rơkê hlối mơnhông cheăng kâ - pơlê pơla dêi Tơnêi têa. Pôa Lê Minh Hưng Ngế pro xiâm hnê ngăn tơnêi têa  khê̆n kơdeăn mâu hnoăng veăng ‘no kân kĭn dêi  Đại học Kinh Tế Quốc Dân ăm tơdroăng hnê hriâm ƀă mơnhông cheăng kâ- pơlê pơla dêi tơnêi têa.

Tung pơla rơxông nếo, Ngế pro xiâm hnê ngăn tơnêi têa pơcháu ăm hngêi trung tơmâng hnê mơngế rơngế, mơngế pêi cheăng rơkê, pơ’lêh rơdêi chiâng hnê tiô kal vâ ai ngế rơkê pêi cheăng ăm tơnêi têa, tơtro ƀă tuăn ngôa rơkê kuăn pơngế hriĕn pro (AI), rơkê cheăng ‘na kơxô̆ ƀă hnê tơ’nom mơngế pêi cheăng rơkê, ing tuăn vâ nhoăm luât. Rôh kố Hâi Thái cô Việt Nam la ngiâ, Ngế pro xiâm hnê ngăn tơnêi têa rơkâu mâu thái cô, mâu ngế cheăng ‘na khoa hok, kăn ƀô̆, viên chưk, mơngế pêi cheăng rơtế ƀă tâi tâng sinh viên, hok viện Đại học Kinh tế Quốc dân ivá mo xêi,  hơniâp lĕm pêi cheăng blêi trâng tơƀrê!