Mâu kăn tối hên troăng hơlâ vâ ăm ki rơkê plĕng chiâng kơvâ cheăng kâ xiâm, veăng gum 7% GDP a hơnăm 2030; mơ’no troăng hơlâ ki xiâm mơnhông, rak vế hnoăng pơxúa tuăn ngoâ rơkê xua kuăn mơngế pro ƀă xúa tơƀrê mâu ki kơnía ‘na tơmeăm kơnía dêi Việt Nam. Mâu kăn tối tiah kố, kal ‘mot tơ’nôm troăng hơlâ rak vế tơmeăm.

Ki rơkê plĕng bu chiâng môi kơvâ cheăng kâ ki xiâm drêng pro tơniăn lĕm mâu ivá tơchĕng tơmiât rơkê ƀă tơdroăng ki tê mơdró. Mâu rơkong tơpui tối xuân mơ’no ai troăng hơlâ mơnhên mâu tơdroăng ki xiâm tơdjâk troh xúa tuăn ngoâ rơkê xua kuăn mơngế pro vâ mơhnhôk mâu khu pơkuâ ƀă tá pơlê pơla rơtế veăng tơchĕng tơmiât rơkê.

Xiâm dêi kơmăi kơmok rơkê plĕng Việt Nam cho tơchĕng tơmiât pơlê pơla ƀă luât kố kô cho troăng hơlâ tŏng gum ăm ivá tơmiât pêi rơkê dêi kuăn pơlê ing kong ngê̆ xua Tơnêi têa tơbleăng ƀă veăng gum rak vế hnoăng ngế ki chêh pro, hnoăng ki ai tơdjâk troh.