Khu râ kăn pơkuâ ƀêng hiăng tăng ăm tíu ối kâ, pơtroh ăm tơmeăm ki kal xúa rêm hâi ƀă pơtroh khu gâk kring tơmeăm, ôh tá ăm kuăn pơlê vêh dêi a hngêi a kơpong ki rơ-iô drêng mêi têa lân lu tá hâi xiâ. Pơtối mê, mâu kơpong thế xĕn mê cho: ngo Một, ngo Bà Hỏa, Xóm Đăng, Xóm Đò ƀă kơpong Hải Minh. Vâ kuăn pơlê hmiân tuăn ối hmuâ kong mêi têa kân lân lu, khu râ kăn pơkuâ bêng hiăng tăng tíu xĕn ối, hbrâ tơmeăm kâ, têa ôu, pơkhom kơmung ƀă mâu tơmeăm ki kal xúa rêm hâi.

Drêng ai kong mêi kân kô pơtối pro ôh tá tơniăn, bêng Quy Nhơn tối krê, kong pơlê Gia Lai tối tơdjuôm, pơtối rak khu pêi cheăng plâ hâi plâ măng, séa ngăn tơdroăng kong prâi, ôh tá ăm kuăn pơlê mot a kơpong rơ-iô.