Ƀă tâi tâng kơxô̆ liăn ‘no tiô tối hdrối lối 740 rơtal liăn, tơdroăng tơkêa bro kố kô pro dâng 546 toăng rơtế ƀă mâu tíu ki kuăn pơlê ối. Tơdroăng tơkêa bro kố châ pro a kơpong tơnêi vâ chê 1,2 ha tơkoh ƀă troăng Nguyễn Văn Linh, bêng Hội Phú, tiô tối hdrối kô pro klêi ƀă ăm xúa a hơnăm 2029. Tơpui a leh pơxiâm pro, pôa Dương Mah Tiệp, Phŏ kăn hnê ngăn Vi ƀan kong pơlê Gia Lai ăm ‘nâi, tơdroăng tơkêa bro kố cho pơxiâm ăm tơdroăng ki mơjiâng pro hngêi ối pơlê pơla a kơpong Pleiku, pro tơ’nôm roh tơ’lêi hlâu ăm kuăn pơlê ai tíu ối tơtro ƀă kơxô̆ liăn pêi lo.

Troh rôh ki pơxiâm pro a bêng Hội Phú, dâng 1.687 toăng hngêi ối pơlê pơla a kong pơlê hiăng pro klêi tơdroăng ki pơxiâm pro ƀă dế tung pơla meăm pro vâ klêi.