Kơ’nâi mê, Kuô̆k hô̆i tơpui ‘na mâu tơdroăng ki kal: Luât ‘mâi hơ’lêh, tơ’nôm mâu tơdroăng dêi Luât Ƀaoh hiêm pơlê pơla;  Luât ‘mâi hơ ‘lêh, tơ ‘nôm mâu tơdroăng dêi Luât Pêi cheăng, Luât chêh ‘măn rak tung kơmăi, Luât Ôh tá pơrah dêi rơpó pơla kơdrâi kơnốu, Luât Pêi cheăng dêi Khu lo tŏng veăng ƀă Luât Pêi cheăng; Luât ‘mâi hơ ‘lêh, tơ’nôm mâu tơdroăng dêi Luât Tơniăn mơngế pêi cheăng krúa lĕm; tơdroăng séa ngăn, pơcháu ăm Vi ƀan pơkuâ cheăng Kuô̆k hô̆i pơkâ nhên ‘na tơdroăng tŏng kum, troăng hơlâ tŏng gum ƀă mâu tơdroăng pơkâ tơniăn pêi cheăng dêi mâu kăn Hô̆i đong kuăn pơlê rêm râ.

Peăng kong xêi, Kuô̆k hô̆i hôp tâi tâng a hngêi hôp kân, kơ-êng têk kŏng vâ môi tuăn tơbleăng tơdroăng Pơkâ ‘na troăng hơlâ xoăng liăn ngân Tơnêi têa hơnăm 2027.