Hâi heh mơdĭng a pơlê Têng hơnăm kố rơtế pêi pro Hâi Túa lĕm tro Việt Nam 2026. A hâi leh mơdĭng, kuăn pơlê tơpui tơno ‘na tơdroăng mơjiâng tơdroăng rêh ối rơkê plĕng, rak ki tơrŭm môi tuăn dêi rơpó tung pơlê. Pakĭng mê, mâu rơpŏng kuăn pơlê pâ thế tơbleăng pêi tơ’nôm túa pêi chiâk deăng vâ châ tơbrê tung kuăn pơlê, vâi kơdrâi ƀă mâu droh rơtăm kô ai rôh châ pê lo tơ’nôm liăn a pơlê tơná.

A hâi leh mơdĭng, pôa Phạm Anh Tuấn Kăn xiâm hnê ngăn Vi ƀan Kuăn pơlê kong pơlê Gia Lai pâ thế kuăn pơlê chôa pơ’lêh túa pêi chiâk ing pêi iâ troh pêi tơrŭm ƀă khu pêi cheăng tơrŭm, khu mơdró vâ rơtế ƀă tơdroăng pê lo tơmeăm hlối pơliê pro tơmăm ƀă tê tơmeăm pê lo; tơtrŏng pêi i krâu dêi râ pơkuâ hnê ngăn cheăng Đảng, mâu kăn cheăm Biển Hồ kal thế pơtối pê klêi mâu tíu pêi chăng troăng prôk, hnê kuăn pơlê pơtối pêi krâu tơmeăm pê lo, tơniăn rak túa lĕm tro tŏn chêng koăng ƀă kring vế tơniăn pơlê pơla cheăm bêng.