Tơdroăng tối a hôp tơno tơdroăng kal, tung 9 khế hơnăm 2026, tâi tâng kơxô̆ liăn mơ’no kong têa ê kĭ a Việt Nam châ lối 50 rơtal dollars, tâk lối 76% tâng pơchông ƀă rôh kố hơnăm 2025. Ƀă 15 kong pơlê, pơlê kong kân peăng hdroh kơxô̆ liăn mơ’no a kong têa ê kĭ châ lối 22 rơtal dollars ƀă lối 1.830 tơdroăng tơkêa bro ăm nếo.

Vâ mơhnhôk, tơdah kơxô̆ liăn mơ’no tơdrêng a kong têa ê tung mâu khế pơtối dêi hơnăm 2026 xuân môi tiah hơnăm 2027, Kơ koan xiâm mơ’no liăn cheăng Kong têa ê, Khu xiâm pơkuâ liăn ngân ƀă kăn teăng mâ kơvâ cheăng mâu kong pơlê peăng hdroh môi tuăn ƀă troăng pêi; hbrâ mâu tơdroăng ‘na hngêi trăng, troăng klông, tơmeăm ki vâ gum tung pêt mơjiâng tơmeăm, hriăn plĕng troăng tơrŭm cheăng hnê mơjiâng tiô kok tơmeăm dêi mâu khu tê mơdró kong têa ê...

Tung mê pơhlêh ki xiâm ing mơhnhôk kơxô̆ liăn chiâng mơdêk ki dâi lĕm, châ tơƀrê ƀă ivá troh lâp lu dêi mơ’no liăn cheăng kong têa ê tiô ihiâm mơno Tơdroăng pơkâ kơxô̆ 10 dêi Khu xiâm kal kí ‘na mơnhông cheăng kâ ai kơxô̆ liăn mơ’no a kong têa ê ƀă mâu troăng tung Tơdroăng pơkâ 280, dêi Chin phuh.