Péa ngế đảng viên châ diâp Mê dái 80 hơnăm cho pôa Nguyễn Đức Chung, 102 hơnăm, ối a kơtâu Vạn Thọ, cheăm Vạn Phú ƀă jâ La Thị Hoa, 97 hơnăm, ối a tôh kơphô̆ kơxô̆ 9, bêng Tích Lương. A mâu rơpŏng, Đăi tươ̆ng Phan Văn Giang mơnhên, Mê dái 80 hơnăm Đảng cho tơdroăng ki mơnhên tơdroăng mơ-eăm, pơtâp ƀă pleăng krá tơniăn dêi rêm đảng viên, tơdrêng amê cho tơdroăng hâk tơngăm dêi rơpŏng, hdrông hdrê, pơlê xiâm ƀă khu cheăng Đảng a cheăm.

Đăi tươ̆ng pói vâ mâu đảng viên ối tung Đảng hiăng ton hơnăm pơtối rak ivá, mơnhông ihiâm mơno kăch măng, khên tơnôu kal kí, cho um méa vâ kăn ƀô̆, đảng viên, ki má lối cho rơxông ối nếo hriâm tâp, tiô ƀối.