Ing tơdroăng ăm hlo mê, Dak Lak pơkâ thế tăng ngăn tơdroăng chêh ‘măn tung kơmăi riân ngăn, vâ ‘nâi ki tơƀrê lơ ôh ‘na cheăng kâ ƀă mơjiâng troăng hơlâ mơhnhôk mơnhông cheăng kâ tâk péa kơxô̆. Ing mê, Dak Lak ai lối 16.000 khu mơdró, dâng 147.000 tíu pêi cheăng kâ krê xêh. Tâi tâng kơxô̆ liăn châ xo dêi kơpong mơdró ki mê châ lối 360.000 rơtal liăn.

Kơxô̆ riân ngăn kô pơtối séa ngăn ah nếo, pê klêi vâ pơxúa ăm tơdroăng cheăng hnê mơhno, pơkuâ ngăn, Tí tăng pêi xúa tơƀrê tơdroăng hnê mơhno, pơkuâ ngăn. Tơdroăng tă vâ ‘nâi ki pơxúa lơ ôh dêi mâu tơdroăng chêh ‘măn tung kơmăi tí tăng ngăn kô ai pơxúa ki kal tung tơdoăng ‘mâi mơnhông cheăng kâ, hơ‘lêh nếo túa pêi ăm châ tâk, mơdêk ivá tơbriât cheăng ki khu dró.