Hâi lơ 9/11/1946, a rôh hôp má péa, Kuô̆k hô̆i  hneăng má 1 hiăng tơbleăng hlá mơ-éa luât ki apoăng dêi tơnêi têa Việt Nam Yân chuh Kŏng hoa, hdró môi hvêa prôk mơnhông ki kal tung tơdroăng mơjiâng luât, luât dêi tơnêi têa. Luât pơkâ hơnăm 1946 pơxiâm ai, mơhno tơdroăng tơniăn, hnoăng pơkuâ dêi tơnêi têa, mơnhên mâu luât ki kal ‘na tơdroăng tơrŭm pêi cheăng dêi khu kăn tơnêi têa, hlối tơmâng xo mâu hnoăng pêi pro ai pơxúa ki kal dêi kuăn pơlê.

Luât mơjiâng pro hơnăm 1946 mơhno tuăn rơkê ‘na mơjiâng Tơnêi têa dêi kuăn pơlê, mơdêk hnoăng pơkuâ dêi kuăn pơlê, hnoăng ki tơniăn, môi tuăn kuăn pơlê ƀă luât ôh tá pơrah a ngiâ dêi Luât. Tơkâ luâ 80 hơnăm, rơtế ƀă tung pơla mơjiâng kring vế ƀă mơnhông tơnêi têa, Luât Việt Nam ôh tá pơtê châ pê klêi, ai tiô pơkâ rak ngăn tơnêi têa, mơnhông  cheăng kâ - rêh ối hlối tơrŭm ƀă lâp plâi tơnêi.

Mâu tơdroăng ki kơnía tơniăn krê, hnoăng pêi pro dêi kuăn pơlê, tơniăn hnoăng dêi kuăn mơngế, hnoăng kuăn pơlê ƀă khu tơrŭm cheăng pơkuâ tơnêi têa tro tiô Luât pơtối châ rak vế, mơnhông mâu luât ki mơ’no tơbleăng tơrêm rơxông.