Klêi kơ’nâi tơmâng tơbleăng ƀă rơkong tơpui ing mâu tíu cheăng mơnúa, Khu pêi cheăng hiăng tiâ tối, hnê mơhno tah lôi mâu pá puât, tơvâ tơvân tung tơdroăng pêi pro. Mơnhên ‘na tơdroăng châ tơƀrê pêi pro Mơgêi kơxô̆ 107 dêi kong pơlê Dak Lak, pôa Hà Minh Hải, Phŏ Kăn pơkuâ Khu xiâm tơbleăng, gum cheăng Tíu xiâm tơnêi têa, mơnhên tơdroăng mơ-eăm dêi kong pơlê, ki rơhêng vâ tối cho mâu tíu cheăng, kong pơlê châ rah xo mơnúa.

Vâ tơdroăng pêi pro Mơgêi 107 tung la ngiâ châ tơƀrê hên tiô pơkâ dêi Tíu xiâm tơnêi têa. Phŏ kăn pơkuâ tơbleăng, gum cheăng Tíu xiâm tơnêi têa pơkâ thế pêi tro tơdroăng pơkâ ƀă tơniăn ki dâi lĕm mê cho ki dâi lĕm ‘noăng chư chêh ƀă ki dâi lĕm tối tơbleăng. Tâi tâng mâu tơbleăng cho troăng apoăng mơjiâng ‘noăng chư chêh, vâ ing mê kô mơjiâng pơkâ pêi tâi tâng tung tơbleăng má mơ’nui.