Tiô tối tơbleăng dêi tíu pêi cheăng, tŭm 6 kơxêng kiâ mô đô̆i pơrá tá hâi mơnhên inâi, tơdroăng ki tơprê li ó, ôh tá tiah apoăng xếo. Hên tơmeăm châ tăng hlo mê cho yĕp kơxu, ché, hmân ếo, ting tong, kơbăn, chêng khŏng mô đô̆i, kơdjiăn ếo, kơ’lo pơkeăng Peniciline ƀă mâu tơmeăm xúa tung rêh ối krê.

Đô̆i K52 hiăng xo mauh ing hơnĕng ƀă kơxêng vâ gum tung tơdroăng mơnhên, séa mơnhên ngăn inâi mâu mô đô̆i ki hlâ tung tơplâ xâ. Tiah mê, sap hâi lơ 1/11/2025 troh nôkố, Đô̆i K52 hiăng chiâ rôu xo tơkŭm châ 34 kơxêng kiâ mô đô̆i a kong têa Kul, tung tơnêi têa cho 74 kơxêng kiâ mô đô̆i.