Ngế ki ối a ko Hngêi tơleăng diâp Mê dái 80 hơnăm ối tung Đảng a Lâm Đồng
Thứ ba, 05:00, 10/11/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Pôa Nguyễn Văn Quảng, Ngế ki ối a ko Hngêi tơleăng xiâm rơtế ƀă khu kăn ki pêi dêi hnoăng cheăng hiăng troh pôu, diâp Mê dái 80 hơnăm ối tung Đảng ăm jâ Nguyễn Thị Xuyến (99 hơnăm), ối a bêng 2 Bảo Lộc, kong pơlê Lâm Đồng.
Rôh diâp Mê dái châ tơkŭm po a hngêi krê dêi kâ Nguyễn Thị Xuyến, đảng viên dế pêi cheăng a Chi ƀô̆ tôh kơphô̆ 7, Đảng ƀô̆ bêng 2 Bảo Lộc. A rôh diâp, pôa Nguyễn Văn Quảng tối nhên, Mê dái 80 hơnăm ối tung Đảng cho kế ki kơnía khât, tơmâng xo hiâm mơno tơdrăng, ivá khên tơnôu ‘na cheăng kal kí ƀă mâu hnoăng cheăng pleăng tơniăn krá dêi ngế đảng viên.
Kố ôh tá xê to tơdroăng ro hâk tơngăm dêi ngế krê, rơpŏng hngêi mê ối cho tơdroăng hâk tơngăm dêi Đảng ƀô̆, kăn pơkuâ ƀă kuăn pơlê kong pơlê Lâm Đồng. Ngế ối a ko Hngêi tơleăng xiâm rơhêng vâ jâ Nguyễn Thị Xuyến pơtối rak ivá, mơdêk hnoăng djâ troăng ahdrối ăm mâu rơxông kăn ƀô̆, đảng viên.
Viết bình luận