Kăn Kuô̆k hô̆i pâ thế mơdêk hơnăm chiâng ôu hât
Thứ ba, 15:10, 10/11/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Pơtối hneăng hôp má 2, kơxê lơ 9/11, Kuô̆k hô̆i tơpui a hngêi hôp ‘na tơdroăng tơkêa bro Luât ‘mâi pơhlêh, ‘mot tơ’nôm mâu tơdroăng dêi Luât vâi hdrêng, Luât Ngế ki chó chêng tơvê kŏng, Luât Khăm pơlât, Luât Pơkeăng, Luât Ngế ki hiăng hên hơnăm ƀă Luât Ƀaoh hiâm khăm pơlât ƀă kơxop hlá mơéa Luât ‘mâi hơ’lêh, ‘mot tơ’nôm mâu tơdroăng dêi Luât Hbrâ mơdât, tơdjâk ‘mêi dêi hât.
Tơdroăng kố châ hên mâu kăn vâ ‘nâi plĕng cho hơnăm ki chiâng ôu hât. Tâng rêm hơnăm 100.000 ngế hlâ xua ngoi hât; hmâ 100 ngế kuăn pơlê Việt Nam mê ai 1 ngế hlâ xua ngoi hât, ai mâu kăn ki ‘nâ pâ thế mơdêk hơnăm chiâng ôu hât troh a 21 hơnăm, pơxiâm sap ing hơnăm 2028.
Nôkố hiăng ai 16 to kong têa tung lâp plâi tơnêi xúa pơkâ kố. Mâu kăn xuân môi tuăn ƀă tơdroăng pơkâ mơdât tê hât tung điê̆n tưh. Veăng tơpui tối 1 luât ‘mâi hơ’lêh 6 luât tung kơvâ khăm pơlât, mâu kăn pơkâ thế ai troăng hơlâ tơkŭm tơbleăng tơdrăng ‘na hât ƀă kế tơmeăm xúa tung khăm pơlât.
Viết bình luận