Malối cho pơkâ ‘na chêh pro klêi troăng hơlâ cheăng kâ kơchơ tê mơdró, troăng pơkâ pêi troh xah hô̆i chuh ngiah; athế hbrâ mơdât kâ kơluâ, tung pơkuâ ngăn tơmeăm khoăng tơnêi têa, tơnêi tơníu. Tơpui nhên ‘na kơxop hlá mơ-éa luât kố, Kăn xiâm hnê ngăn Kuô̆k hô̆i tối tiah kố kal athế klâ xoăng nhên tơdroăng ki ‘mâi hơ’lêh ƀă rak tơniăn môi tuăn, tơdâng tơ’mô ƀă troăng hơlâ luât. Luât bu tối pơkâ môi tuăn ‘na troăng hơlâ, hlá mơ-éa tơkŭm po tê tơbriât.

Kăn xiâm hnê ngăn Kuô̆k hô̆i pơkâ thế Khu ki chêh pro hriăn plĕng: mâu tơdroăng ki kal hdrối ƀă klêi kơ’nâi rôh tơbriât tê mâu kế tơmeăm châ mơ’no tê tơbriât, mơnhên yă pơxiâm vâ tê tơbriât, hnoăng pơkuâ pơkâ, kĭ, nâp liăn, pơcháu tơmeăm kal châ pơkâ tơtro tung luât kơvâ cheăng.