VOV4.Xơ Đăng - Ƀă hnoăng cheăng châ pơcháu cho kơ koan ki pơkuâ xiâm rak vế, pêi pro Tơdroăng tơkêa bro kơxô̆ 8 “Pêi pro tơdroăng ki rak tơdâng bă tŏng gum tơdrêng ƀă mâu vâi kơdrâi, vâi hdrêng”, Khu tơrŭm ngăn ‘na vâi kơdrâi kong pơlê Tuyên Quang xuân hiăng tơkŭm po hnê tối, tơkŭm po hên tơdroăng cheăng ki châ tơƀrê, ai pơxúa khât. Kơnôm tiah mê, hiăng gum pro pơhlêh nhên ing tơdroăng ki tah lôi ki kreăng, tơdroăng ki ngăn nhuô̆m to kơdrâi, lơ ngăn nhuô̆m to kơdrâi, rak vế, pêi pro châ tơƀrê khât tơdroăng ki tơdâng tơ’mô ăm vâi kơdrâi a pơlê cheăm kơpong hdroâng kuăn ngo ki iâ mơngế, ki rơhêng vâ tối, a 2 tơring Hàm Yên ƀă Sơn Dương.

VOV4.Xơ Đăng - Pơkâ pêi pro 4 tơdroăng ki xiâm tiô troăng hơlâ tŏng gum vâi hdroâng kuăn ngo vâ châ tơniăn ƀă rak vế ngăn ivá châ chăn vâi hdrêng, rêm râ Khu pơkuâ hnê ngăn vâi kơdrâi kong pơlê Gia Lai hiăng tơrŭm krá khât ƀă tíu xiâm ngăn ‘na pơkeăng, kăn ƀô̆ khăm pơlât a pơlê cheăm tơkŭm pêi pro hên tơdroăng cheăng ki hnê mơhno mâu troăng hơlâ ki hlê plĕng ki vâ pro nôu tơniăn ƀă rak vế ngăn ivá ăm ngế nôu ƀă vâi ‘nĕng. Kơnôm tiah mê, kơxô̆ vâi kơdrâi ki mơhum kuăn a hngêi tung pơlê cheăm kơpong hdroâng kuăn ngo hiăng kơdroh tiô tơrêm hơnăm; kơdroh sap ing tơdroăng ki nôu tro hlâ, kơdroh tơdroăng ki vâi kuăn ngá tro kơmăp ƀă kơdroh tơdroăng ki tro krĭn. Ƀai chêh a kơ’nâi kố, ngin ai tối nhên ‘na tơdroăng mê.

VOV4.Xơ Đăng - Tung 2 khế hdrối mê hía nah, kong pơlê Dak Lak hiăng ai 2 ngế hlâ xua tro tâ tú pơreăng tơngê lo mơheăm. Dế nôkố, kuăn pơlê ki tro tâ tú pơreăng tơngê lo mơheăm rế hiá rế tâk hên.

VOV4.Xơ Đăng - Bú tung môi khế hdrối, kong pơlê Dak Lak hiăng châ hlo lối 100 ngế tâ pơreăng lo xêi. Hlo tơdroăng tâ tú rơ-iêo dêi pơreăng lo xêi pơtối tâk rĕng, kơvâ ngăn ‘na pơkeăng kong pơlê Dak Lak dế mơdêk troăng rơhlâ tăng troăng mơdât pơreăng tá ăm tâ tú lâp lu.

VOV4.Xơ Đăng - Tung pơla hdrối nah, a kong pơlê Dak Lak, pơreăng lo xêi tâ tú ôh tá tơniăn, kơxô̆ ngế tro pơtối tâk hên. Ƀă túa pơkâ “mơdât hên tâ pơlât”, kơvâ ngăn pơkeăng kong pơlê hiăng hbrâ rơnáu tơbleăng mâu troăng hơlâ hbrâ mơdât pơreăng vâ kơdroh iâ ki tâ tú, rak vế ivá châ chăn kuăn pơlê.

VOV4.Xơ Đăng - Zona thần kinh cho môi tung mâu tơdroăng thê̆n a kéa ai kơxô̆ ngế tro chía hên. Maluâ ôh tá pro rơ-iêo la tâng hrá ‘nâi mê tơdroăng ki pơlât kô trâm pá, thăm nếo mơno kô pro ai hên tơdroăng ki pơhlêh chiâng râ, tơdjâk troh mâu kơ koan ki ê tung châ.

VOV4.Xơ Đăng - Châ mơjiâng pro ing hơnăm 2012, lối 10 hơnăm hdrối mê hía nah, Kâu lăk ƀô̆ “Păn roăng kuăn lĕm tro” dêi Khu pơkuâ ngăn vâi kơdrâi thôn 1, cheăm Dưng K’Nơ̆, tơring Lạc Dương, kong pơlê Lâm Đồng hiăng veăng gum pơhlêh tuăn tơmiât dêi vâi kơdrâi a tíu kố, gum vâi nâ o ai roh tơ’lêi hlâu tung rak ngăn dêi ivá, châ chăn tơná, rak ngăn, păn roăng dêi kuăn ‘nĕng lĕm tơniăn tâ, mơjiâng tơdroăng rêh kâ ối hơniâp ro, rơkê plĕng, veăng gum mơnhông cheăng kâ-rêh ối pơlê pơla dêi cheăm kơpong hơngế hơngo rế hiá rế châ mơnhông.

VOV4.Xơ Đăng - A kong pơlê Kon Tum, pơreăng tơngê lo mơheăm dế xông tâ tú pro ôh tá tơniăn ƀă kơxô̆ mơngế tro tâ tâk rơdêi.

VOV4.Xơ Đăng - A mơ’nui khế 8 pơla hdrối mê hía nah, pôa Lê Thành Long - Ngế pro xiâm phŏ hnê ngăn Chin phuh hiăng pơkuâ ngăn roh hôp ‘na hnoăng cheăng rak vế tơniăn kế kâ, pơkuâ ngăn rak tơniăn ‘na kế kâ. Mâu tơdroăng ki ối tô tuăn dế nôkố, hiăng châ khu kăn xiâm rêm râ mơnhên tối, mê cho tơdroăng ki tro pôu ‘mêi, hơ-ou kế kâ, malối mâu tơmeăm ki tê a mâu hngêi kơchơ ki mơhnŏng po xêh hmâng to lo vâ, tê tơmeăm online, tê kế kâ a drô troăng kơphô̆, kế tơmeăm kâ ki ôh tá ‘nâi nhên xiâm kối, kế kâ ki tê hên hĕng drô hngêi mơdró ƀă mâu tơmeăm ki tê tung điê̆n tưh ƀă hên tơdroăng ki ê kô tơ’lêi ôh tá tơniăn lĕm ‘na kế kâ ki ƀă mơngế ki vâ rôe.

VOV4.Xơ Đăng -  Lối 170.000 ngế hok tro mâu râ a kong pơlê Kon Tum hiăng lăm a hngêi trung hriâm.