VOV4.Xơ Đăng - Vâ chê 20 hơnăm hmâ ƀă tíu tơkăng kong, ƀok thái pơkeăng Nguyễn Văn Quốc Trí, Phŏ pơkuâ veăng khăm pơlât ta mo châi A Xan dêi Đông Mô đô̆i gak tơkăng kong Tr’hy, Khu ngăn Mô đô̆i gak tơkăng kong dêi kong pơlê Quảng Nam đi đo kodo mơ-eăm tí tăng hriăn plĕng, hriâm mơdêk tơdroăng rơkê ‘na hnoăng cheăng, rak ngăn ivá ăm kuăn pơlê a kơpong tíu tơkăng kong. Malối, hên hơnăm hdrối, pôa Trí ối pơlât ăm hên ngế kuăn pơlê ki tro hơ-ou kơxêt, hlá ngón, oăng xoi, pah po, malối drêng vâ rơneh kuăn pơla dế drô troăng prôk troh a hngêi pơkeăng... mâu tơdroăng pêi pro mê ai hên ki pơxúa dêi ƀok thái pơkeăng Nguyễn Văn Quốc Trí, cho vâ mơhno hiâm mơno mơjo pâ, ki tơrŭm, hmâ pơla mâu lêng ƀă kuăn pơlê, pro tuăn loi khât tung hiâm mơno kuăn pơlê a kơpong tơkăng kong.

VOV.Xơ Đăng - Mơjiâng kuăn ngá ing klŏng kơmăi cho túa ki vâ gum ai kuăn rơkê xêt má môi nôkố bă mâu on veăng ki hrá ai kuăn. Tiô riân ngăn, kơxô̆ ngế ôh tá ai kuăn tá kơnốu ƀă kơdrâi nôkố dế rế hía rế tâk hên, môi tiah ƀă tơdroăng ki rế hía rế hên on veăng tăng troh túa ki mơjiâng kuăn ngá ing klŏng kơmăi ƀă púi vâ ai kuăn. Laga, kố cho môi kih thuât y khoa pâ thế hên ivá ƀă liăn ngân, xua mê, rêm on veăng kal tăng ‘nâi nhên ƀă tơmâng mâu rơkong hnê pơchân dêi ƀok thái pơkeăng vâ mơdêk tơdroăng ki tơƀrê tung mơjiâng kuăn ngá ing klŏng kơmăi.

VOV.Xơ Đăng - Mâu hơnăm a chê kố, tơdroăng ki vâi hdrêng rĕng kêi rế hía rế hên pro ôh tá iâ nôu pâ tôu tuăn. Rĕng kêi mê gá tơdjâk troh ôh ti iâ troh ivá châ chăn, tơdroăng ki xông kân dêi châ chăn mê ối tơdjâk kân troh tuăn mơno tơmiât dêi ngế hdrêng. Hên nôu pâ tơmâng ngăn, rĕng ‘nâi mâu tơdroăng ăm hlo rĕng kêi vâ djâ kuăn lăm khăm, pơlât la xuân ôh tá iâ ngế tá hâi hlê nhên ‘na tơdroăng kố, ôh tá teăm kâ mơdât, pro ngế hdrêng mê chiâng trâm hên tơdroăng. Kơ’nâi kố cho tơdroăng ki chêh tối dêi ngế chêh hlá tơbeăng a khoa Nhi Tổng hợp, Hngêi pơkeăng kân kơpong Tây Nguyên ‘na tơdroăng kố.

VOV4.Xơ Đăng -  Lối 300 kăn teăng mâ ing mâu hngêi pơkeăng tung lâp tơnêi têa nếo veăng Hneăng hôp khoa hok châ tơkŭm po a Hngêi pơkeăng Đăi hok Y Dược Ƀuôn Ma Thuột, kong pơlê Dak Lak. Kố cho môi tơdroăng pêi pro klăng roh leh tơbâ 70 hơnăm Hâi thái pơkeăng Việt Nam lơ 27/2.

VOV4.Xơ Đăng - Ing apoăng hơnăm troh nôkố, Hngêi pơkeăng pơlât vâi hdrêng kong pơlê Gia Lai hiăng tơdah xo pơlât vâ chê 500 ngế vâi hdrêng mot pơlât xua tro pơreăng tamo lo xêi, ing mê, thăm hlo ai rế hên ngế tro tâ tâng vâ pơchông ngăn ƀă rơnó kố hơnăm 2024. Tơdroăng kố, pro Hngêi pơkeăng kân dế rế ai hên ngế mot pơlât.

VOV4.Xơ Đăng - Tơklâm rơxế a troăng dế ai rêm hâi, rêm chôu, tơdjâk troh ivá, tơdroăng rêh dêi hên ngế. Tơdroăng ki tơdah xo pơlât ăm mâu ngế ki tơklâm rơxế a troăng hiăng xơpá, ƀă mâu ngế ki tro rong, tơđôu kơxêng xua tơklâm rơxế tơdjâk troh ôu drôu ƀiê̆r ối xơpá tâ. Ngế chêh hlá tơbeăng ki hmâ chêh ‘na tơdroăng kố a Kơvâ tơdah pơlât tơdrêng, Hngêi pơkeăng kân kơpong Tây Nguyên ai chêh tối ‘na tơdroăng mê.

VOV4.Xơ Đăng - Mâu hâi ki kố, kơvâ ngăn ‘na pơkeăng ƀă khăm pơlât kong pơlê Dak Lak dế pêi pro hên tơdroăng cheăng vâ rak tơniăn ăm tơdroăng tơdah pơlât mâu ngế ki châi tamo râ. Ing mâu hngêi pơkeăng kân a pơlê kong kơdrâm Buôn Ma Thuột troh a mâu hngêi pơkeăng tơring, cheăm pơrá hiăng hbrâ tơnáu mâu tơdroăng ki vâ hbrâ pơlât tơdrêng, gum kuăn pơlê vâ ai môi rơnó Têt ki hơniâp ro, tơniăn lĕm.

VOV4.Xơ Đăng - Vâ rak vế tơniăn ăm kế kâ, kơdroh mâu tơmeăm kâ ki hmâ chiâng pro hơ-ou, pôu ‘mêi tung roh Têt Ất Tỵ ƀă Leh mơdĭng rơnó Hơngui 2025, Khu tơrŭm hnê mơhno cheăng xiâm Tơnêi têa ‘na rak vế krúa, tơniăn lĕm kế kâ, hdrối mê, hiăng mơjiâng 5 khu ki lăm séa mơnhên ngăn rêm khu râ troh a 10 kong pơlê, pơlê kong kân ing râ kong pơlê, pơlê kong kân, pơlê kong kơdrâm troh a râ cheăm, bêng.

VOV4.Xơ Đăng - Rơneh kuăn ki ôh tá tŭm khế cho môi tung mâu tơdroăng ki khăng tơbrĕn ‘na rơneh kuăn ki rơ-iêo, mơni kô tơdjâk kân troh ivá, châ chăn dêi tá ngế nôu ƀă ngế kuăn. Tiô mâu ƀok thái pơkeăng ngăn ‘na kơvâ rơneh kuăn, rơneh kuăn ôh tá tŭm khế dế rế hía rế hên tung pơlê pơla nôkố. Xua mê, mâu nôu kal tăng ‘nâi xiâm kối, tơdroăng ki ăm hlo ƀă mâu túa ki hbrâ ví rơnêh kuăn ôh tá tŭm khế vâ ai môi rôh rơneh kuăn tơniăn.

VOV4.Xơ Đăng - Ing apoăng khế 12, Khu xiâm ngăn ‘na pơkeăng ƀă khăm pơlât tơnêi têa hiăng tơrŭm ƀă Vi ƀan hnê ngăn Pơlê kong kân Hà Nội tơkŭm po Leh mơhnhôk Pêi cheăng dêi Tơnêi têa ‘na Pơ’leăng mâ mơngế ƀă koh tơbâ Hâi Pơ’leăng mâ mơngế Việt Nam (26/12) hơnăm 2024 dó inâi: “Thăm mơdêk ki dâi khât ‘na kơxô̆ kuăn pơlê vâ tơnêi têa chiâng kro mơdrŏng, rơpŏng hngêi hơnâp niân”. Vâ hnoăng cheăng rak ngăn ‘na kơxô̆ kuăn pơlê châ tơƀrê, kơvâ ngăn ‘na pơkeăng ƀă khăm pơlât kal athế kơdo mơ-eăm vâ tŏng gum ‘na tơdroăng ki ối trâm pá mê.