VOV4.Xơ Đăng - Pơreăng êi tung ngoâ ai hơtốu cho túa pơreăng tâ tú râ ki ó a kơtôu ngoâ xua ai mâu vi khuẩn pro, cho môi khu pơreăng tâ tú troăng hveăn xiâm, hmâ trâm tung plâ hơnăm. Kố cho môi khu pơreăng ki tro hên a ngế ki kân ƀă mâu ngế ốii hdrêng, tâng pơreăng ôh tá châ rĕng ‘nâi ƀă teăm pơlât tơdrêng kô chiâng tơdjâk pro rơ-iêo, môi tiah: ‘mêi tung ngoâ, ‘mêi chiâng ŭm, áp xe ngoâ, lo hơtóu a tíu ki khăng ƀă hên ki ê. Ki rơ-iêo tâ mê pơreăng kố mơno kô pro hlâ xua troăng hiâm râ, êi ngoâ ƀă hên ki ê.

VOV4. Xơ Đăng - Rơnó pơtê hriâm hơnăm kố, vâi ‘nĕng kong pơlê Dak Lak kô ai roh tơ’lêi châ veăng hriâm a lâm ki hnê klê têa, châ hriâm hên túa ki rơkê dêi tơdroăng klê têa, hriâm tê kơtê, ôh tá hía liăn.

VOV4.Xơ Đăng - Pơreăng tơngê lo mơheăm dế xông tâ tú a kong pơlê Dak Nông ƀă vâ chê 500 ngế tro tâ.

VOV4.Xơ Đăng - Lâm Đồng cho kong pơlê ai kơxô̆ mơngế tơngê lo mơheăm tâk hên ƀă ai chât ngế tơngê tung rêm măng tĭng, tung mê hiăng ai ngế hlâ.

VOV4.Xơ Đăng - Pơreăng rơxok cho môi tung mâu pơreăng tâ tú ki rơ-iêo xua virus rơxok pro, hmâ tơdjâk troh troăng hveăn. Nôkố tá hâi a môi túa pơlât tơƀrê ki lâi mê drêng hiăng troh rôh ki tâk ki rơxok, tâi tâng mâu ngế ki tro pơrá kô rĕng hlâ. Xua mê, tơdroăng ki hbrâ rơnáu mơdât pơreăng ƀă pâk vaccine lơ huyết thanh mơdât rơxok klê tro chó, miếo kâ, cho tơdroăng ki kal khât, rak vế ivá ƀă châ chăn dêi ngế ki tro.

VOV4.Xơ Đăng - Kơxo lơ 28/5, a Hà Nội po Leh kĭ tơkêa tŏng kum ăm tơdroăng tơkêa kih thuât “Mơdêk ‘mêng rơnêu roê mâu kế tơmeăm xúa tung khăm pơlât a Hngêi pơkeăng K” xua Chin phuh Nhuk tŏng kum.

VOV4.Xơ Đăng - Ing khế 3 troh nôkố, kơxô̆ mơngế troh khăm pơlât a hngêi pơkeăng kôk rơxok a kong pơlê Dak Lak pơtối tâk hên. Khoh chiâng ai tiah mê, xua kong tô mơdrăng ton ó, tô mêi ôh tá tro tơdroăng, ôh tá tro rơnó mê khoh pro hên ngế chiâng xêk xêng, vong vo, tôu tung hiâm mơno, ing mê, khoh pro mơngế chiâng kôk, rơxok.

VOV4.Xơ Đăng - Péa hâi mơ’nui măng tĭng hiăng hluâ, a kơpong Tây Nguyên ai pái roh klâk têa pro 8 ngế vâi hdrêng hlâ.

VOV4.Xơ Đăng - Kơxo lơ 16/5, Khu pơkuâ cheăng Đảng kong pơlê Gia Lai tơkŭm po hneăng hôp Mơgêi 15 hơnăm pêi pro Pơkâ kơxô̆ 38 dêi Khu pơkuâ hnê ngăn cheăng Đảng ‘na mơdêk tơdroăng pro ƀaoh hiêm khăm pơlât tung rơxông nếo.

VOV4. Xơ Đăng - Hâi lơ 15/5, Khu xiâm ngăn pơkeăng pơlât pơkâ ăm phêp 3 túa vaccine ki nếo cho vaccine hbrâ mơdât  tơngê lo mơheăm, hbrâ mơdât pơreăng zona troăng veăn ƀă vaccine hbrâ mơdât châi xôu.