VOV4.Xơ Đăng - Pơreăng tơngê lo mơheăm dế pơtối tâ tú ó a kong pơlê Dak Nông ai lối 100 tíu tâ tú pơreăng, vâ chê 2.000 ngế ki tro tơngê ƀă hiăng ai 1 ngế hlâ. Khu kăn pơkuâ, kơvâ cheăng ki tơdjâk ‘na khăm pơlât tung lâp kong pơlê dế pêi pro kơhnâ khât tung hbrâ mơdât pơreăng. Tơdroăng tơpui hâi kố vâ mơnhên tối ‘na tơdroăng kố ƀă tơdroăng ki hnê tối dêi kơvâ ngăn ‘na pơkeăng ƀă khăm pơlât vâ vâi krâ-nhŏng o pin hbrâ mơdât pơreăng tơngê lo mơheăm tâ tú tung pơlê pơla:

VOV4.Xơ Đăng - A kong pơlê Dak Lak nếo ai tơ’nôm 1 ngế châi tamo vâi hdrêng tro tâ pơreăng êi ngôa Nhuk. Kố cho ngế ki má 3 tro tâ pơreăng êi ngôa Nhuk a kong pơlê tung hơnăm kố.

VOV4.Xơ Đăng - A kong pơlê Kon Tum, pơreăng tơngê lo mơheăm dế hlo tâ tú rĕng. Kơvâ ngăn pơkeăng ƀă khăm pơlât kong pơlê kố dế mơdêk rĕng tơdroăng ki hbrâ mơdât ƀă tơdroăng ki pơreăng tơngê lo mơheăm xông tâ tú.

VOV4.Xơ Đăng - Lo thĕn kơchêa cho môi túa pơreăng ki lo a kéa, ôh tá chiâng tú, tơdjâk troh tơdroăng ki ai ing hdroâng hdrê, nôu pâ tung rơpŏng hngêi ƀă hê̆ miễn dịch dêi châ chăn. Nôkố xuân tá hâi a pơkeăng pơlât prêi túa pơreăng kố, tơdroăng ki pơlât bu cho vâ kơdroh ki êi ƀă mơdât tơdroăng ki rế mơdêk tế bào kéa, hbrâ mơdât ƀă kơdroh hên khât mâu túa ki bro chiâng râ xua pơreăng thĕn lo kơchêa kố bro.

VOV4.Xơ Đăng - Tung mâu hâi hdrối kố nah, kong pơlê Dak Lak pơtối ai 4 ngế hdrêng tâ tú pơreăng lo sêi, pro kơxô̆ vâi hdrêng ki lo sêi tung hơnăm kố tâk 5 ngế.

VOV4.Xơ Đăng - Tiô tối tơbleăng dêi Tíu xiâm hbrâ mơdât pơreăng CDC kong pơlê Dak Lak, a kong pơlê nếo a môi tíu ki ai pơreăng lo xêi a tơring Čư̆ Kuiñ. Nôkố kơvâ ngăn pơkeăng pơlât kong pơlê hiăng tơbleăng mâu troăng hơlâ hbrâ mơdât tíu ki ai pơreăng, vâ pơreăng pôi châ tâ tú tung kong pơlê.

VOV4.Xơ Đăng - A rơnó pơtê hriâm, châi êi ngôa Nhật Bản hlo rế hiá rế hên tung lâp tơnêi têa, maluâ a kơpong pêa Kơnhŏng tơnêi têa. Kố cho tơdroăng châi ki tơ’lêi chiâng tâ tú, ki xiâm ga cho ing tri trôu. Xua tiah mê, a mâu rơnó tung hơnăm, tâng kong prâi hmâ mêi tô ôh tá tro tơdroăng tiah pơla kố kô pro tri trôu tơ’lêi xông tâ tú, pro chiâng tơdroăng châi êi ngôa Nhật Bản. Mâu hâi achê pơla kố, Hngêi pơkeăng pơlât Vâi hdrêng tơnêi têa hiăng tơdah hên mâu vâi ‘nĕng ki tro châi êi ngôa Nhật Bản mot pơlât. Maluâ ti mê, tơdroăng ki séa ngăn, rĕng châ hlo ƀă troh khăm pơlât a hngêi pơkeăng ối hrá hiăng pro vâi hdrêng chiâng pá vâ kâi pơlât prêi.

VOV4.Xơ Đăng - .Kơxê hâi lơ 5/7, a Hngêi Thiếu nhi pơlê kong kơdrâm Plei Ku, Khu tơkŭm po tơdroăng pleăng mơheăm Tơnêi têa hiăng tơrŭm ƀă Khu hnê mơhnhôk pleăng mơheăm kong pơlê Gia Lai tơkŭm po leh pơxiâm po tơdroăng Pleăng mơheăm rôh má 9 ƀă ô eăng mâu ngế ki pleăng mơheăm hơnăm 2024.

VOV4.Xơ Đăng - Pơla hdrối mê hía nah, kơvâ ngăn ‘na pơkeăng ƀă khăm pơlât kong pơlê Dak Lak hiăng kơhnâ khât tung pêi pro rơdêi pơhlêh kơxô̆ tung khăm pơlât châi tamo, ing mê, veăng kơdroh chôu phut tơkôm khăm pơlât dêi mơgế ki tamo châi, kơdroh tơdroăng pêi cheăng dêi khu ƀok thái pơkeăng.

VOV4.Xơ Đăng - Pơreăng tơngê lo mơheăm a Tây Nguyên dế tâ tú hên ó khât. A kong pơlê Gia Lai, hiăng ai vâ chê 600 ngế ki tro tâ pơreăng kố, tâng riân sap apoăng hơnăm troh nôkố. Kong pơlê Dak Lak xuân hiăng châ hlo ai lối 400 ngế ki tro tâ pơreăng, mâu ngế ki tro tâ mê ối tung 15 tơring, pơlê kong krâm, pơlê kong kơdrâm. Vâ hbrâ mơdât pơreăng, kơvâ ngăn ‘na pơkeăng ƀă khăm pơlât kơpong Tây Nguyên hiăng thăm mơdêk túa ki rơnáu, hbrâ mơdât, ôh tá ăm pơreăng châ lân tâ hên lâp luô.