Kố cho ngế má 7 hlâ nhôm tro pơreăng rơxok a kong pơlê Dak Lak tung hơnăm kố. Ngế kơdrâi kot hmâ hơnăm 1975, ối a cheăm Ea Tar, tơring Čư̆ Mgar. Tiô tung hlá mơ-éa chêh tơdroăng châi tamo, hâi lơ 17/11, ngế ki mê kơdrâ tâ tung châ rơlâi rơlo, xâu kơ têa, xâu khía, klêi mê kuăn pơlê djâ lăm khăm a hngêi pơkeăng kân kơpong Tây Nguyên.

A kố, mâu ƀok thái pơkeăng khăm ngăn tơdroăng ki rơxok drêng ga troh dêi. Troh a kơxo hâi lơ 18/11, ngế ki mê hiăng hlâ. Tiô mơngế dêi rơpŏng hngêi ngế ki mê tối, kơtăn hâi mot pơlât a hngêi pơkeăng dâng 2 khế, ngế ki mê tro chó ki tơná vâi păn tung hngêi kâ a pui kŏng peăng hơ-ếo ƀă ga ôh tá hâi lăm pâk vaccine hbrâ mơdât rơxok.