Roh lăm pôu pêi cheăng ai kơnâ kal khât, cho troăng ki nhên troăng tơpui kâ ƀă kong têa ê dêi Hneăng hôp Đảng roh má XIII, kum mơdêk tơrŭm môi tuăn pơla mâu khu tơrŭm ASEAN, mơhno troăng hơlâ tơpui kâ ƀă kong têa ê môi tuăn sap apoăng troh tá tui lui dêi Việt Nam, nhuô̆m tơrŭm cheăng tơnêi têa achê dêi pó nhŏng o ƀă Khu tơrŭm ton xŏn ƀă Malaysia. Sap ing péa pâ mơdêk tơrŭm to Khu tơrŭm cheăng ton xŏn hơnăm 2015, pêi lo liăn tê mơdró 2 tơnêi têa tâk sap ing lối 8 rơtal dollars hơnăm 2014 tâk 14 rơtal dollars hơnăm 2022 ƀă tơmiât pêi troh pêi lo liăn tê mơdró pơla péa pâ châ 18 rơtal dollars tung la ngiâ.

Roh lăm pôu pêi cheăng tơkŭm po a hdrối leh tơbâ 10 hơnăm tơrŭm cheăng ton xŏn, pôa Tô Lâm, Kăn xiâm pơkuâ hnê ngăn Đảng tối hdrối kô rơtế mâu khu râ kăn pơkuâ xiâm Malaysia tơpui tơno ‘na tơdroăng lâp plâi tơnêi, kơpong, prôk trâu tơpui tơno, mơnhên mâu troăng pêi la ngiâ, troăng pêi kân mơdêk tơrŭm cheăng péa tơnêi têa to a’ngêi nếo, tơniăn, păng ‘nâng ƀă châ tơƀrê tâ tung la ngiâ.