Klêi kơ’nâi leh tơdah kân krip, pôa Phạm Minh Chính, Ngế pro xiâm hnê ngăn Chin phuh ƀă pôa Luis Abinader Corona - Kăn xiâm pơkuâ rơtế khu râ kăn teăng mâ râ xiâm péa tơnêi têa hiăng ai roh tơpui tơno. A roh hôp tơpui tơno, péa pâ môi tuăn kal mơdêk tâ mê nếo tơpui tơno, trâm mâ khu râ kăn xiâm ƀă mâu râ, tung tâi tâng mâu râ  Đảng, Chin phuh, Kuô̆k hô̆i, tơrŭm kong pơlê ƀă trâm mâ tơpui tơno kuăn pơlê vâ mơdêk tơdroăng tơrŭm cheăng kal kí, thăm hlê plĕng dêi pó, mơjiâng xiâm kối krá tơniăn vâ po rơdâ ƀă mơdêk châ tơƀrê tơrŭm cheăng pơla péa pâ.

Tơpui tơno ‘na mâu tơdroăng kơpong ƀă lâp plâi tơnêi rơtế rơhêng vâ ‘nâi plĕng, péa pâ môi tuăn tơdroăng tơleăng mâu tơdroăng ôh tá hâi môi tuăn, tơxup tơbriât lâp plâi tơnêi ƀă mâu troăng hơniâp lĕm, pêi tiô luât lâp plâi tơnêi, ki rơhêng vâ tối cho Luât Khu lâp kong têa ƀă Tơkêa Khu lâp kong têa ‘na Luât têa kơxĭ hơnăm 1982.