Teăng mâ Vi ƀan pơkuâ Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i tối mơnê ó khât ƀă mâu rơxông thái cô, kăn ƀô̆ pơkuâ ngăn tơdroăng hnê hriâm tối tơdjuôm, mâu kăn Kuô̆k hô̆i nôkố dế pêi cheăng tung kơvâ hnê hriâm tối krê pêi châ tơƀrê hên mâu tơdroăng ki nếo tung tơdroăng cheăng hnê mơngế; rơkâu tơdroăng cheăng hnê hriâm ƀă hnê cheăng pêi dêi tơnêi têa rế hía rế mơnhông.

Pôa Trần Thanh Mẫn, Kăn xiâm hnê ngăn Kuô̆k hô̆i tối nhên, ƀă ivá khŏm mơ-eăm, hâk vâ cheăng ƀă hlê plĕng tơdroăng ki khât, mâu kăn Kuô̆k hô̆i cho thái cô, kăn ƀô̆ pơkuâ ngăn kơvâ hnê hriâm hiăng ai ivá veăng gum kân ăm mơjiâng, pêi klêi troăng hơlâ luât, veăng pơkâ mâu tơdroăng ki kal, séa ngăn tơkŭm pêi pro troăng hơlâ luât ‘na hnê hriâm ƀă hnê mơhno.

Kăn xiâm hnê ngăn Kuô̆k hô̆i púi vâ rêm ngế thái cô kô đi đo cho ngế ki djâ troăng ahdrối ‘na túa rêh ối lĕm, túa ki tơpui; ivá mơ-eăm ‘mâi mơnhông xơpá, mơ-eăm pôu râng, hâk vâ cheăng, hơ-ui hok tro; ôh tá la lâi pơtê mơeăm hriâm tâp ‘na kơvâ cheăng dêi tơná hnê.