VOV4.XơĐăng - Mơheăm tot lơ ối khê̆n tai biến mạch máu não, cho túa châi ki hmâ trâm a mơngế hơnăm hiăng hên. Mơheăm tot tâng ôh tá ‘nâi túa ki pơlât tro tơdroăng mê ing rôh ngế ki tro mê lơ djâ ngế ki mê hrá troh a hngêi pơkeăng, ngế ki mê kô trâm tơdroăng ki rơ-iêo ƀă tơ’lêi hlâu.

VOV4.Xơ Đăng - Tung mâu hâi hdrối kố nah, kơxô̆ vâi hdrêng mot pơlât a hngêi pơkeăng kân kơpong Tây Nguyên xua châi klêa râ tâk rĕng.

VOV4.Xơ Đăng - Kơxo lơ 11/4, Khu ngăn pơkeăng ƀă khăm pơlât kong pơlê Dak Lak tơkŭm po Rôh hôp tơbleăng Khế pêi pro xua Tơniăn krúa kế kâ hơnăm 2024. Tơdroăng ki kuăn pơlê xuân ối xúa mâu kế kâ ki ‘mêi ai xêh pro kế kâ, hiăng pro tơdế kơxô̆ ngế tro pôu ‘mêi tung hơnăm nah, mê Dak Lak kô kơjo ‘na tơdroăng mơdêk hnê tối tung um tơvi, rơ’jíu vâ hbrâ mơdât tơdroăng ki tro pôu ‘mêi kố.

VOV4.Xơ Đăng - Hên hơnăm hdrối mê hía nah, tơdroăng ki pleăng mơheăm châ pơtối mơdêk ƀă mơnhông rơdêi, hiăng veăng kum khăm pơlât, rak ngăn, mơ’rêh hên ngế ki tamo râ, châi ó. Maluâ, hên ngế  ai hiâm tuăn ki vâ pleăng dêi hnoăng tơná, đi đo ai tung tuăn mơno ki vâ pleăng mơheăm ăm mâu ngế ki tro châi tamo, kum mâu ngế ki vâ chê hlâ châ erêh.

VOV4.Xơ Đăng - Ngế pro xiâm hnê ngăn Chin phuh pơkâ thế kong pơlê Quảng Bình kheăn hôu, pêi mơnhên hnoăng cheăng khu pú hên, ngế krê, ngế ki ối a ko khu râ kăn pơkuâ mâu khu râ ôh tá bê tơmâng, tơngôu tung pơkuâ, hnê mơhno tơdroăng hbrâ, mơdât pơreăng kôk rơxok.

VOV4.Xơ Đăng - Vâ mơdêk ki tơƀrê tung khăm pơlât ăm kuăn pơlê a kơpong Tây Nguyên, kơdroh ki hâ ho a mâu hngêi pơkeăng a Pơlê kong kân Hồ Chí Minh, kơvâ ngăn pơkeăng Pơlê kong kân Hồ Chí Minh ƀă mâu kong pơlê kơpong Tây Nguyên hiăng môi tuăn tơbleăng hên tơdroăng cheăng tơhrâ tơrŭm mơnhông tơƀrê.

VOV4.Xơ Đăng - Kơvâ ngăn pơkeăng pơlât Dak Lak dế tơbleăng mâu tơdroăng ki vê hdró kơpong, hbrâ mơdât pơreăng thĕn kŏng chêng rơkong a môi to hngêi trung mầm non a cheăm hngế ối tung tơring Ea Súp.

VOV4. Xơ Đăng - Dak Lak cho kong pơlê ai kơxô̆ pơreăng kôk, rơxok tung khu ki hên má môi lâp tơnêi têa. Kơxô̆ mơngế pâk vaccine hbrâ mơdât pơreăng ối iâ,ki ‘nâ xua kuăn pơlê ối tơngôu, ôh tá bê xâu vâ hbrâ mơdât pơreăng, xua mê xuân ối hlo pơreăng kôk, rơxok tâ tú rơ iô.

VOV4.Xơ Đăng - Tung mâu hơnăm achê pơla kố, tơdroăng ki hên ƀok thái pơkeăng hơ’lêh cheăng, pơtê cheăng ƀă ôh tá tăng rah xo ƀok thái pơkeăng hiăng pro kơvâ ngăn ‘na pơkeăng ƀă khăm pơlât kong pơlê Kon Tum chiâng ôh tá bê ƀok thái pơkeăng pêi cheăng a mâu hngêi pơkeăng. Tơdrêng ƀă troăng hơlâ a ngiâ, kong pơlê Kon Tum kal ai troăng hơlâ ki rơdêi, krê xêh tung hnoăng cheăng hnê mơjiâng mơngế ki pêi cheăng tung mâu hngêi pơkeăng.

VOV4.Xơ Đăng - Sap hơnăm 2023 troh nôkố, 2 kong pơlê Gia Lai ƀă Dak Lak chiâng tíu ki ai hên ngế tro pơreăng kôk rơxok dêi lâp tơnêi têa drêng đi đo châ hlo hên ngế tro.