VOV4.Xơ Đăng - Tiô tơdroăng riân ngăn dêi Tíu xiâm Hbrâ mơdât châi tamo CDC kong pơlê Dak Lak, riân troh hâi lơ 12/12/2023, lâp kong pơlê hiăng ai vâ chê 5 rơpâu ngế tro pơreăng tơngê lo mơheăm, tung mê ai 6 ngế hlâ. Tơdroăng ki rơhêng vâ tối, tung kơxô̆ mâu ngế ki hlâ mê, ai troh 4 ngế cho vâi hdrêng pá xôp 15 hơnăm. Xua mê, mâu nôu pâ kal tơdrŏng, malối ƀă mâu vâi hdrêng ki piê, ki ai pơreăng tung châ drêng tâ pơreăng tơngê lo mơheăm gá tơ’lêi chiâng râ rơ-iêo troh ivá.

VOV4.Xơ Đăng - Tung 3 hâi, sap hâi lơ 29/11 troh lơ 1/12, a tơring Dak Glong, kong pơlê Dak Nông, Tíu xiâm pơtâng tối Hnê hriâm ivá Tơnêi têa tơrŭm ƀă Kơ koan xiâm pơkuâ pơkeăng, khăm pơlât, pơkeăng tiô khôi vâi krâ nah (Khu xiâm pơkuâ ngăn pơkeăng ƀă khăm pơlât tơkŭm po Hôp tơpui tơno tối túa ki rơkê tơtro tiô khôi vâi krâ nah mơdêk mơjiâng mơnhông mơjiâng tiô troăng ki kơnâ, kơpong pêt pơkeăng kơnâ, mơhnhôk mơ’no liăn cheăng kơpong kuăn pơlê hdroâng kuăn ngo ƀă kong ngo.

VOV4.Xơ Đăng - Hdrêng kŭn hmâ ôh tá chiâng tơniăn ƀă xơpá vâ chiâng ‘nân ối môi tíu, la tâng ôh tá chiâng tơniăn luâ kơlo mê mơni cho tơdroăng ki ăm ‘nâi ngế hdrêng mê tung châ ai tơdroăng tamo kơdroh tơdroăng ki vâ tơmâng ngăn – môi tơdroăng rối loăn xông kân ki hmâ trâm a hdrêng sap ing 3 troh 11 hơnăm, kal rĕng châ ‘nâi vâ ai túa rơnêu, ví tơdjâk troh tơdroăng ki ôh tá tơniăn ‘na hiâm mơno ƀă tơdroăng rêh ối dêi ngế hdrêng tung xo ah hmôi.

VOV4.Xơ Đăng - Tiô Ƀok thái pơkeăng Phạm Hoài An, Hngêi pơkeăng kân Thiện Hạnh, kong pơlê Dak Lak, kơxê hâi lơ 22/11, Khoa Cấp cứu dêi hngêi pơkeăng nếo xo pơlât 17 ngế hok tro tro hơ-ou kế kâ.  

VOV4.Xơ Đăng - Pơreăng nŭm nheăn type 2 cho pơreăng ki rơ-iêo kơxô̆ ngế hlâ ối má 3 tung lâp plâi tơnêi, bu klêi kơ’nâi pơreăng ŭm tung châ ƀă tơdroăng châi ‘na plâi nuih. Pơreăng nŭm nheăn tâng ôh tá rĕng châ ‘nâi ƀă pơlât tơdrêng mơni kô pro chiâng tơdjâk hên rơ-iêo pro ngế ki tro pơreăng chiâng chó ƀă kô trâm mâu tơdroăng ki ôh ti ‘nâi hdrối ‘na ivá, châ chăn. Laga tơdroăng ki tô tuăn mê cho pơreăng kố ôh ti ăm ‘nâi, ki hên mâu ngế ki tro pơreăng bu ‘nâi dêi tơná tro klêi kơ’nâi pơreăng hiăng pơ’lêh chiâng rơ-iêo troh plâi nuih, plôm mâ, châ kơkốu, chêng kŏng ƀă hên ki ê.

VOV4.Xơ Đăng - Tiô tối tơbleăng dêi Tíu xiâm Séa ngăn mơdât pơreăng kong pơlê Dak Lak, tung lâp kong pơlê nếo ai môi ngê hdrêng hlâ xua tro pơreăng thĕn kŏng chêng rơkong.

VOV4.Xơ Đăng - Klêi kơ’nâi trâm pá xua ôh tá bê pơkeăng ƀă tơmeăm khăm pơlât, 2 khế pơla hdrối mê hía nah, Tíu xiâm ngăn ‘na pơkeăng ƀă khăm pơlât tơring Krông Ƀúk dế tơ’mot hên vâi tamo troh khăm ƀă pơlât. Kố châ ngăn cho môi tơring ki preăng ai, ki cheăng‘na pơkeăng ƀă khăm pơlât a kong pơlê Dak Lak châ khăm pơlât tơniăn ăm kuăn pơlê ki châi tamo tơniăn lĕm.

VOV4.Xơ Đăng - Riân troh hâi lơ 30/10, kong pơlê Gia Lai ai 12 ngế hlâ xua pơreăng kôk rơxok sap ing apoăng hơnăm 2023.

VOV4.Xơ Đăng - Êi klêa muâ cho môi túa châi ki râ ó tơdrêng ƀă cho tơdroăng ki pơlât ngoại khoa ki rơ-iêo mơni kô trâm a mâu hơnăm ki lâi. Tơdroăng châi kố tâng rĕng châ ‘nâi ƀă teăm pơlât tơdrêng gá kô iâ tơdjâk troh ivá. Tơvêh a mê, tơdroăng châi kố gá kô pơhlêh rơ-iêo, thăm nếo kô hlâ tâng hrá ‘nâi ƀă pơlât ôh tá tơdroăng.

VOV4.Xơ Đăng - Nôkố, kong pơlê Dak Lak dế tung pơla mê hngê, cho rôh ki tơ’lêi vâ tri trôu kân pâk ‘mot trếo ki chiâng pơreăng tơngê lo mơheăm. Rơtế amê cho hên ngế ki tro pơreăng tơngê lo mơheăm pơtối tâk hên. Maluâ kố cho túa pơreăng ki chiâng tâ tú rơ-iêo, hmâ ai tung plâ hơnăm, xuân ối ai ngế ki tro pơreăng ki ‘nâ hlâ ƀă hên xiâm kối pơrá  phá dêi rơpó, tung mê ôh ti iâ ngế chiâng râ ƀă mơni kô trâm hên tơdroăng ki rơ-iêo, mơnhâu troh châ chăn.