VOV4.Xơ Đăng - Pro ăm nôu châ mo lĕm, tơniăn ƀă păn roăng kuăn ngá ai ivá rơdêi cho tơdroăng ki rơhêng vâ tơdjuôm dêi tâi tâng mâu pro nôu, pro pâ. Châ chăn ngế kơdrâi klêi kơ’nâi rơneh kuăn ngá tơkâ luâ mâu tơdroăng ki hơ’lêh hên ƀă ngế kuăn ngá drêng kot mâ xuân athế mơ-eăm vâ hmâ ƀă tơdroăng rêh ối pa kong, tâng châ tơmâng rak ngăn tro tơdroăng kô kum nôu ƀă kuăn rĕng vêh ƀă tiah hmâ, nôu kal ai ivá rơdêi, kuăn rĕng kân piê nun lĕm.

VOV4.Xơ Đăng - Tiô Tíu xiâm Hbrâ mơdât pơreăng châi tamo kong pơlê Gia Lai, sap ing khế 8/2023 troh nôkố, pơreăng châi mâ khêi hiăng tâ tú a 12/17 tơring, pơlê krâm dêi kong pơlê, ƀă lối 4.600 ngế tro.

VOV4.Xơ Đăng - Sap apoăng hơnăm troh nôkố , Gia Lai ai 11 ngế hlâ xua tro pơreăng kôk rơxok, hên má môi kơpong Tây Nguyên.

VOV4.Xơ Đăng - A Gia Lai, nôkố kơxô̆ hok tro, sinh viên veăng roê ƀaoh hiêm khăm pơlât bu nếo châ 90%. Ối vâ chê 22 rơpâu ngế hok tro, sinh viên tá hâi ai liăn vâ roê ƀaoh hiêm khăm pơlât.

VOV4.Xơ Đăng - Tung pơla achê kố, a kong pơlê Dak Lak ai hên ngế vâi hdrêng tro pơreăng thĕn kŏng chêng rơkong pơreăng rế hlo tâk rĕng. A Hngêi pơkeăng kân kơpong Tây Nguyên, ki hên vâi hdrêng ki tro pơreăng châ pơlât pơrá mơnhên yương tĭnh ƀă virus Enterovirus 71 (EV71) cho mâu túa ki pro hên tơdroăng pơ’lêh rơ-iêo mơni kô hlâ môi tiah pơ’lêh êi kơtôu ngoâ xua virus, pơ’lêh chiâng êi ngoâ lơ tơdjâk ‘mêi troh plâi nuih ƀă hên ki ê. Kố cho tơdroăng ki tơ-iêo xua vâi hdrêng hiăng mot hriâm, kố cho rôh ki pơreăng tơ’lêi tâ tú drêng lâi ôh ti ‘nâi.

VOV4.Xơ Đăng - Pơreăng châi mâ tum khê hiăng xông tâ tú ó a kong pơlê Gia Lai, ai lối 3 rơpâu ngế tro tâ bú lối tung 1 khế kố. Kơvâ ngăn ‘na pơkeăng hiăng hnê mơhnhôk kuăn pơlê athế ai troăng hơlâ vâ hbrâ mơdât ki tơtro, ki rơhêng vâ tối ƀă vâi hdrêng tung hngêi trung, vâ veăng kum mơdât tơdroăng ki tơ’lêi tâ tú.

VOV4.Xơ Đăng - Tiô Tíu xiâm Hbrâ mơdât châi tamo kong pơlê Gia Lai, sap ing apoăng hơnăm troh nôkố, lâp kong pơlê ai 3.160 ngế tro pơreăng tơngê lo mơheăm, tung mê ai 1 ngế hlâ.

VOV4.Xơ Đăng - Pơreăng châi khêi mâ hiăng xông tâ tú a kong pơlê Gia Lai ƀă lối 3.000 ngế tro tâ bu tung lối 1 khế kố.

VOV4.Xơ Đăng - Tung mâu khế a chê kố, châi mâ khêi tung kong pơlê Dak Lak hlo tâ tú hên ƀă hlối rĕng. Kơxô̆ mơngế châi mâ khêi ki hên to mâu hok tro, pro pá tung tơdroăng vâi o lăm hriâm tung rôh pơxiâm mot hơnăm hriâm nếo.

VOV4.Xơ Đăng - Hlo pơreăng châi mâ khêi dế tâ tú rĕng tung kuăn pơlê, malối a hên hngêi trung, hâi lơ 12/9  Khu xiâm ngăn pơkeăng kong pơlê Kon Tum ai hlá mơ-eá pơtroh ăm mâu tíu, kơvâ cheăng tơdjâk, Vi ƀan 10 tơring pơlê kong kơdrâm tung kong pơlê, mâu tíu pêi cheăng ƀă mâu hngêi pơkeăng tung kong pơlê vâ pâ thế hbrâ mơdât pơreăng châi mâ khêi.