Tíu ki ai pêi cheăng mê cho a lâm lá 2, hngêi trung mầm non Hoa Lan, a thôn Chiềng, cheăm Ya Lốp, tơring Ea Súp. Ngế ki tro pơreăng mê cho tơngê, châi krôk, ôh tá vâ kâ hmê, tơlêa tung rơkong ƀă lo pơtong a kŏng, chêng, a kung kíu chêng ƀă a kơtêi. Mâu hok tro ki tro pơreăng mê hiăng châ hngêi trung thế pơtê ối a hngêi ƀă pơkâ thế nôu pâ ngế hdrêng mê djâ lăm khăm a mâu hngêi pơkeăng.

Klêi kơ’nâi ‘nâi ai pơreăng, Tíu xiâm ngăn pơkeăng tơring Ea Súp hiăng hnê mơhno Hngêi pơkeăng cheăm Ya Lốp tơrŭm ƀă hngêi trung séa ngăn pơreăng a mâu ngế ki tro: xôh pơkeăng kơdê pơreăng mơgrúa lĕm mâu lâm hriâm, kế xah dêi mâu vâi hdrêng. Tiô pôa Dương Văn Hải, Kăn phŏ kơbong Hbrâ mơdât pơreăng – Tíu xiâm ngăn pơkeăng pơlât tơring Ea Súp, troh kơxê hâi lơ 2/4, pakĭng 8 ngế tro pơreăng a hngêi trung mầm non Hoa Lan, a cheăm Ya Lốp hiăng ‘nâi ai tơ’nôm 1 ngế hdrêng hlo môi tiah tro pơreăng thĕn kŏng chêng rơkong. Cheăng hdró kơpong, hbrâ mơdât pơreăng ƀă hnê kuăn pơlê hbrâ mơdât dế châ Tíu xiâm ngăn pơkeăng tơbleăng.