Klêi 1 măng tĭng tơbleăng, mâu tơring, pơlê krâm, pơlê kong krâm hiăng pâ châ lố tơdế túa pcơháu. Tung kơxô̆ ki lối 38 rơpâu klŏng vaccine hbrâ mơdât rơxok a chó, miếo, pơlê kong kơdrâm Ƀuôn Ma Thuột cho kong pơlê ki châ hbru hên má môi ƀă lố 7.500 klŏng, 3 tíu châ hbru lối 2 rơpâu klŏng cho mâu tơring Čư̆ Kuiñ, Krông Pač ƀă Ea Hleo.
Nôkố, kơvâ ngăn mơnăn hiăng tơkŭm po lâm hriâm ăm kăn ƀô̆ pơlât mơnăn pêi pro hnoăng cheăng hbrâ mơdât rơxok, rak vế pâk tro kih thuât ƀă tơniăn ăm ngế ki lăm pâk; Tơkŭm po hnê tối ƀă rơxế ki lăm ukố utá ăm mâu tơring, pơlê kong krâm, pơlê kong kơdrâm tung pơla pâk vaccine rơxok. Tơdrêng amê hlố hnê mơhno mâu Tíu ki păn ƀă pơlât mơnăn chêh pro mơéa pâk tiô tơdroăng ki pâk môi tíu tơkŭm đô̆i ki pâk ukố utá ăm kuăn pơlê a hngêi.
Viết bình luận