Kơxô̆ vâi hdrêng hlâ xua mâu pơreăng kô chiâng hbrâ mơdât ƀă mâu pơkeăng vaccine hiăng kơdroh sap ing Việt Nam pơxiâm pêi pro Tơdroăng pâk po rơdâ Tơnêi têa a hơnăm 1981, ƀă pơkâ pêi troh tơniăn tâi tâng vâi hdrêng a rêm kơpong tơnêi têa pơrá châ pâk vaccine hbrâ mơdât pơreăng. Pâk pơkeăng hiăng rak rơtuh ngế vâi hdrêng a Việt Nam hluăn ing hên pơreăng tung plâ lối 40 hơnăm hiăng hluâ. Kố cho tơdroăng xua Khu xiâm ngăn pơkeăng ƀă khăm pơlât lâp plâi tơnêi (WHO) ƀă Khu pơkuâ râng kơxô̆ liăn vâi hdrêng Khu lâp kong têa (UNICEP) tối ăm ‘nâi klăng roh leh tơbâ Măng tĭng leh Pâk pơkeăng lâp plâi tơnêi (24 – 30/4).

Rêm hơnăm Việt Nam ai dâng 1 rơtuh 700 rơpâu ngế vâi hdrêng kot mâ ƀă lối 95% vâi hdrêng tung kơxô̆ kố châ pâk vaccine tê kơtê hbrâ 10 khu pơreăng ki tâ tú rơ-iô. Măng tĭng leh pâk pơkeăng hơnăm kố tơkŭm po sap hâi lơ 24 – 30/4/2024 rơtế drêng leh tơbâ 50 hơnăm mơjiâng Tơdroăng pâk pơkeăng po rơdâ lâp plâi tơnêi, kố cho roh vâ pơ-ôu pơ-eăng mâu tơdroăng châ tơƀrê dêi Pâk pơkeăng po rơdâ, tối inhên tơdjâk dêi Tơdroăng pâk pơkeăng po rơdâ tung tŏng rêh, rak ngăn ivá kuăn mơngế, mơdêk troăng tơmiât pêi rơkê pơhlêh nếo vâ mơdêk pâk pơkeăng ki kal kố.