Ƀă ki mơ’no ton ai 120 phut , tíu mơ’no um Ing hlá cờ Plâ ƀlêi trâng mơ’no ăm tơmối hmâng vêh chôu pâ nếo mâu khế hơnăm tơplâ khên tơnôu ƀă mâu tơdroăng ton nah ki ôh tá la lâi kâi piu tung rơxông tơplâ  to răng ƀom răng pháu. Mâu tơdroăng hdró ki kal mê  dêi 70 hơnăm hdrối châ mơhno ing tơdroăng tơrŭm tơbâ tơdroăng ton nah, pơla ngê̆ thuât ƀă tối mơnhên, tối ki mơ’nui.

Tíu mơ’no um tơvi Ing hlá cờ Plâ ƀlêi trâng hiăng mơgêi ƀă mâu um diâp Kỷ niệm chương ăm mâu lêng hneăng hdrối, mâu ngế ki lăm pleăng hnoăng tơplâ, kuăn pơlê ki rah lăm tơplâ a 5 tíu mơ’n um. Plâ 70 hơnăm hdrối, hlá cờ púi vâ plâ ƀlêi trâng hiăng chông djâ mâu lêng ƀă kuăn pơlê tơkâ luâ mâu rôh tơplâ châ ƀlêi trâng tơniăn, tơkŭm ivá rơdêi tuăn mơ-eăm vâ pơ’lêh nếo mơjiâng tơnêi têa. Hâk tơngăm ƀă loi khât prôk tiô hlá cờ  Đảng, pin vâ ’no tâi ivá tơná pơtối rak ki hâk tơngăm dêi Điện Biên Phủ. Ƀă hlá cờ plâ ƀlêi trâng đi đo troh ta ah cho vâ pơtih ăm tuăn mơ-eăm, ăm tơpui púi vâ Việt Nam khên tơnôu.