Pôa Tô Lâm, ngế xiâm ngăn Kŏng an mơnhên tối tơrŭm cheăng tơƀrê dêi Kăn teăng mâ Swiss a Việt Nam ƀă dêi kăn teăng mâ, hiăng kum kal khât tung tơdroăng mơdêk tơrŭm cheăng péa tơnêi têa Việt Nam – Swiss. Vâ mơdêk tơrŭm cheăng pơla Khu xiâm ngăn kŏng an Việt Nam ƀă mâu kơ koan pêi pro luât dêi Swiss, pôa Tô Lâm, ngế xiâm ngăn Kŏng an pơkâ thế, tung la ngiâ ah, péa pâ mơdêk tơtroh mâu khu kăn rêm râ, rĕng mơdêk ivá tơpui tơno mâu tơdroăng tơkêa pơla péa pâ ‘na pơkuâ djâ ƀă pơcháu ngế ki tro tơpôu xôi kroăng phâk; mơjiâng mâu troăng hơlâ tơrŭm cheăng pơla péa tung kơvâ cheăng gâk kring, hbrâ mơdât mâu ngế pro xôi.

Thăm mơdêk tối ăm dêi rơpó mâu tơdroăng ki rơkê plĕng pêi pro luât, tối tơbleăng mâu ngế ki pro xôi, tơrŭm plâ mơdât mâu ngế pro xôi tơkâ luâ tơnêi têa tơdjâk troh péa tơnêi têa.