Hâi lơ 22/11/1904, Khu kăn Đông Dương pơkâ klâ Dak Lăk chiâng môi tung 20 to kong pơlê, pơlê kong kân dé a Rơxông Pơhlăng pơkuâ.

Dak Lak nôkố ai tơnêi  kong, kơxô̆ kuăn pơlê cho dêi mâu kong pơlê, pơlê kong kân ki ối má môi tung lâp tơnêi têa, hlối cho xiâm hơlâ troăng ki kal dêi Tây Nguyên; ai tơdroăng rêh ối cheăng kâ tơ’lêi hlâu vâ tơrŭm, tơdjêp mơnhông, pro xiâm mơnhông tơrŭm cheăng kâ, túa lĕm tro, pơlê pơla ƀă mâu kong pơlê tung kơpong Tây Nguyên, kơ pong kĭng têa kơxĭ tơdé tơnêi têa  ƀă tíu xiâm cheăng kâ kân dêi lâp tơnêi têa. Veăng hôp ƀă tơbleăng a rôh leh,  pôa Nguyễn Hòa Bình Ngế pro xiâm phŏ hnê ngăn tơnêi têa tối ki rơdêi kal kí dêi Dak Lak ƀă kơpong  ƀă tơnêi têa châ mơnhên tung hên troăng rơhlâ, luât pơkâ dêi Tíu xiâm tơnêi têa.

Kong pơlê Dak Lak kal tơkŭm pơ’lêh nếo túa cheăng kâ ki xiâm vâ tơbleăng mâu tơdroăng ki xiâm  mê cho: Mơnhông tơmeăm pê lo ing chiâk, loăng kong ki ai hlâu, ki hên, tơƀrê lĕm, tê ăm kong têa ê; mơdêk tơdroăng uâ pơliê pro tơmeăm pê lo ing chiâk deăng, loăng kong, ká xi xŏng ƀă pro on tơhrik.

Tơmâng rak vế, pơtối rak túa lĕm tro ton nah ki lĕm dêi kuăn ngo ƀă mơnhông ôm hyô  mơhno túa lĕm tro; Mơdêk rơdêi kơpong, trâm tơpui tơno, tơrŭm cheăng pơla mâu kong pơlê; tơniăn  cheăng lêng- kring gak pơlê pơla tơnêi têa ƀă tơpui kâ.