Po ing nôkố troh tâi hâi lơ 31/12, mơđah tơbleăng 2 tơdroăng , mê cho “mâu tơdroăng tơƀrê ‘na cheăng kâ rêh ối pơlê pơla dêi kong pơlê Dak Lak klêi kơ’nâi 120 hơnăm” ƀă “Thác Hai- Di sản bên dòng sông Ea Hleo”. Tung mê, tơdroăng mâu tơdroăng tơƀrê cheăng kâ rêh ối pơlê pơla mơđah tơbleăng lối 200 kơtâ um, mơéa ‘na tung pơla mơjiâng ƀă mơnhông dêi kong pơlê Dak Lak ing mâu chal ton nah, troăng prôk 80 hơnăm mơjiâng ƀă mơnhông dêi khu lêng kring vế Dak Lak.

Kố cho tơdroăng ki mơhno nhên, tối tơdroăng tung pơla mơjiâng kong pơlê Dak Lak, ing kơpong tơnêi ki ôh tá ai klâi, kơtiê hiăng mơeăm tơná rơdêi, chiâng môi to kong pơlê mơnhông chía niân tung kơpong Tây Nguyên ƀă lâp tơnêi têa. Tơdroăng ki mơđah tơbleăng mâu kế tơmeăm tơkŭm Kế ki pong hmốu Thác Hai, cho tơmeăm dêi tơnêi têa apoăng dêi kong pơlê Dak Lak châ mơnhên, rế tối rơdêi mâu tơdroăng ki kơnía ‘na ki hbo dêi tơdroăng ton nah túa lĕm tro tung rôh mơnhông dêi Dak Lak.